ԻԻՀ ԱԳՆ խոսնակ. Պատժամիջոցների ամբողջական չեղարկումը միջուկային բանակցությունների հիմնական նպատակն է

ԻԻՀ ԱԳՆ խոսնակը հայտարարել է. «Պատժամիջոցների ամբողջական չեղարկումը Վիեննայում ընթացող միջուկային բանակցությունների հիմնական նպատակն է»:

Նասեր Քանանի Չաֆին երկուշաբթի օրը կայացած ամենշաբաթյա մամուլի ասուլիսում հայտարարել է, որ բանակցություններում Իրանի արտաքին գործերի նախարարության ամենակարեւոր նպատակը երաշխիքներ ստանալն է:

Նա նշել է. «Ստորագրված ցանկացած համաձայնություն կարող է խախտվել, եթե երաշխիքներ չտրամադրվեն»:

Քանանին հավելել է. «Երաշխիքները վերաբերվուըմ են պատժամիջոցների չեղարկմանը,  որպեսզի Իրանը կարողանա լիարժեք օգտվել տնտեսական օգուտներից, և Ատոմային էներգիայի միջազգային գործակալության քաղաքական գործողությունները կանխելը, քանի որ դա խանգարում է երկխոսությանը»:

Անդրադառնալով Իրաքի վերջին զարգացումներին, ԻԻՀ ԱԳՆ խոսնակն ասել է. «Իրաքում տեղի ունեցող գործընթացը կարևոր է Իրանի համար, և Իսլամական Հանրապետությունը երկխոսության կոչ  է անում Իրաքի բոլոր քաղաքական հոսանքներին»։

Սիրիայում իրանական ուժերի վրա հարձակվելու Սիոնիստական ​​ռեժիմի հայտարարության մասին Քանանի Չաֆին ասել է, որ ռեժիմի բոլոր գործողություններն անօրինական են, իսկ իրանական բազաների վրա հարձակման մասին հայտարարոթյունն անհիմն է: 

Նա հավելել է, որ Սիրիայի ենթակառուցվածքների դեմ  Սիոնիստական ​​ռեժիմի անօրինական գործողությունները իրականացվում են ԱՄՆ աջակցությամբ։

Խոսելով  էներգակիրների պակասի խնդիրը լուծելու վերաբերյալ Իրանին ուղղված եվրոպացիների խնդրանքի մասին, ԻԻՀ ԱԳՆ խոսնակն ասել է. «Բնականաբար, Իրանը՝ նավթի և գազի հարուստ պաշարներով, էներգիայի կարևոր աղբյուր է, և չնայած դաժան պատժամիջոցներին,   պահպանել է իր ներկայությունը էներգետիկ շուկայում ու շարունակումէ էներգակիրների վաճառքը»

Անդրադառնալով ուկրաինական ճգնաժամին և էներգետիկայի ոլորտում եվրոպացիների խնդիրներին՝ իրանցի  դիվանագետն ասել է. «Եթե Վիեննայում համաձայնություն ձեռք բերվի, Իրանը կարող է դառնալ եվրոպական երկրների էներգամատակարարման աղբյուրներից մեկը»։