Հյուսիսային նավահանգիստներից բեռնափոխադրումների ծավալն աճել է 177 տոկոսով
Իրանի Նավահանգիստների և նավագնացության կազմակերպության գործադիր տնօրենը հայտնել է երկրի հյուսիսային նավահանգիստներից բեռնափոխադրումների 177 տոկոս աճի մասին։
Իրանի Նավահանգիստների և նավագնացության կազմակերպության գործադիր տնօրեն Ալի Աքբար Սաֆային ասել է.-«Որպես Իրանի հյուսիսային կարևորագույն նավահանգիստ Գիլան նահանգում գտնվող Անզալի նավահանգստում ոչ նավթային ապրանքների փոխադրումների ծավալն աճել է 277 տոկոսով, իսկ նավթամթերքներինը 100 տոկոսով»։
Նշելով, որ առևտրային նավահանգիստներում բեռնափոխադրումների աճը հասել է 177 տոկոսի, Իրանի ճանապարհների և քաղաքաշինության փոխնախարարը հավելել է.«Ներկայումս Անզալի նավահանգստում 7 նավ է կայանել, ևս 8 նավ գտնվում է խարիսխում, իսկ 4 նավ՝ դեպի այս նավահանգիստ տանող ճանապարհին»:
Ալի Աքբար Սաֆայիի խոսքով՝ բեռնափոխադրումների ծավալը նաև զգալիորեն աճել է հյուսիսային այլ նավահանգիստներում։
