Մեկնարկել է Թեհրանի երկխոսության երրորդ ֆորումը՝ 36 երկրների ներկայացուցիչների մասնակցությամբ
ԻԻՀ ԱԳ նախարարի, դեսպանների, քաղաքական պաշտոնյաների և 36 երկրների վերլուծական կենտրոնների ղեկավարների և մտավորականների ներկայությամբ, ԱԳՆ Քաղաքական և միջազգային հետազոտությունների կենտրոնում մեկնարկել է Թեհրանի երկխոսության (TDF 2022) երրորդ ֆորումը:
36 երկրների մոտ 70 ներկայացուցիչների մասնակցությամբ այս տարվա ֆորումի քննարկման կարևոր թեման լինելու է Իրանի հարևանության քաղաքականությունը և բարեկամության ու վստահության ձևավորումը:
Ֆորումի շրջանակներում կքննարկվեն նաև այնպիսի հարցեր, ինչպես՝ Արևմտյան Ասիայի և Պարսից ծոցի անվտանգության վերջին զարգացումները, տարածաշրջանային կապերն ու էներգետիկ անվտանգությունը, ուկրաինական ճգնաժամը և դրա տարածաշրջանային ու համաշխարհային հետևանքները, ինչպես նաև Աֆղանստանում խաղաղության և ներառական կառավարության հեռանկարը։
