Ամիր Աբդոլլահյան. Մենք մեծ հնարավորություններ ունենք խաղաղ միջուկային էներգիայի ոլորտում
Փետրվար 10, 2023 12:22 Asia/Tehran
Ամերիկյան NPR ռադիոյին տված հարցազրույցում, ԻԻՀ ԱԳ նախարար Հոսեյն Ամիր Աբդոլլահյանն ասել է. «Մենք մեծ հնարավորություններ ունենք խաղաղ ատոմային էներգիայի ոլորտում»։
Նա հավելել է. «Ի պատասխան ԱՄՆ-ի սխալ քայլերի, մենք ընդլայնել ենք մեր միջուկային խաղաղանպատակ գործունեության ծավալները, սակայն ելնելով համոզմունքներից և արժեքներից՝ ատոմային ռումբ կառուցելու նպատակ չունենք»:
Անդրադառնալով ՀԳՀԾ-ի վերածննդին, Ամիր Աբդոլլահյանն ասել է. «Կարծում եմ՝ ամերիկացիները չեն կարողանում որոշում կայացնել: Ես չգիտեմ, թե ինչ է կատարվում Սպիտակ տանը, բայց մենք տեսնում ենք, որ Վաշինգտոնում դեռևս չունեն բավարար ուժ՝ ՀԳՀԾ-ին վերադառնալու մասին որոշում կայացնելու համար»:
Պիտակ
