Ուլյանով. Արևմուտքը չունի քաղաքական կամք՝ վերսկսելու պատժամիջոցները չեղարկելու շուրջ բանակցությունները
Վիեննայում տեղակայված միջազգային կազմակերպություններում Ռուսաստանի դեսպանն ու մշտական ներկայացուցիչն ընդգծել է, որ Արևմուտքը քաղաքական կամք չունի պատժամիջոցները չեղարկելու շուրջ բանակցությունները վերսկսելու հարցում։
Միխայիլ Ուլյանովը հայտարարել է, որ Ռուսաստանը չի տեսել արեւմտյան կողմերի, այդ թվում՝ ԱՄՆ-ի կողմից Վիեննայի բանակցությունները վերսկսելու պատրաստակամության նշաններ։ Նա հայտարարեց, որ ճիշտ քաղաքական կամքի առկայության դեպքում հնարավոր կլինի վերսկսել այդ բանակցությունները, որ Իրանը, Ռուսաստանը և Չինաստանն ունեն անհրաժեշտ քաղաքական կամք, բայց արևմտյան երկրները դա չունեն։
Միխայիլ Ուլյանովը հավելել է, որ պատժամիջոցների չեղարկման շուրջ բանակցությունները վերսկսելու համար անհրաժեշտ է միայն այն, որ բոլոր կողմերը վերադառնան Վիեննա և գործընթացն ուղղորդեն դեպի բարենպաստ արդյունք։
Վիեննայում պատժամիջոցների վերացման շուրջ բանակցությունները հասել են մի փուլի, որ եթէ ԱՄՆ-ն ընդունի Իրանի ողջամիտ պահանջները և կայուն համաձայնագրի պահանջները, վերջնական համաձայնությունը ձեռք կբերվի։
