ԻԻՀ պաշտպանության նախարար. Մենք պատրաստ ենք աջակցել Սիրիայի պաշտպանական արդյունաբերության ենթակառուցվածքների զարգացմանը
ԻԻՀ ԶՈՒ և պաշտպանության նախարար, բրիգադի գեներալ Ամիր Աշտիանին հանդիպել է Սիրիայի բանակի շտաբի պետ, գեներալ-մայոր Աբդուլ Քարիմ Մոհամմադ Էբրահիմի հետ:
Հանդիպմանը բրիգադի գեներալ Աշտիանին ասել է. «Տարածաշրջանի երկրներն ընդունում են, որ չի կարելի անտեսել Սիրիայի կառավարության դերը տարածաշրջանային պայմանավորվածություններում, ինչը վկայում է Դամասկոսի հզորության և թշնամիների, հատկապես՝ ԱՄՆ-ի ու Սիոնիստական ռեժիմի դավադրության դեմ հաղթանակի մասին»։
Նա հավելել է. «Բոլոր տեսակի հանդիպումներում Իրանը մշտապես ընդգծել է Սիրիայից օկուպանտ ուժերի դուրսբերման, ահաբեկիչների դեմ պայքարի, ինչեպս նաև երկրի տարածքային ամբողջականության նկատմամբ Սիրիայի կառավարության ինքնիշխանությունը հարգելու անհրաժեշտությունը»:
Գեներալ-մայոր Աբդուլ Քարիմ Մոհամմադ Էբրահիմը հանդիպման ժամանակ ասել է. «Սիրիայի այսօրվա դիրքն ահաբեկչությանը դիմակայելու և տարածաշրջանի ու աշխարհի այլ երկրներում այս չարաբաստիկ երևույթի տարածումը կանխելու երկու երկրների համատեղ պայքարի արդյունքն է: Դամասկոսը երբեք չի մոռանա իր իսկական ընկերների օգնությունն ու համագործակցությունը»։
