Ահաբեկիչներին հնարավորություն տալը վնասում է տարածաշրջանի անվտանգությանը.Իրանի ԱԳ նախարար
Իր իրաքցի գործընկերոջ հետ համատեղ մամուլի ասուլիսում Իրանի արտգործնախարարն ասել է, որ ահաբեկիչներին թեկուզ մեկ ժամ հնարավորություն տալը կարող է վնասել Իրաքի, Իրանի, տարածաշրջանի և Իրաքյան Քուրդիստանի տարածքի անվտանգությանը։
Իրանի Իսլամական Հանրապետության արտաքին գործերի նախարար Հոսեյն Ամիր Աբդոլլահյանը Թեհրանում Իրաքի ԱԳ նախարար Ֆուադ Հոսեյնի հետ մամուլի համատեղ ասուլիսում հայտարարել է, որ Իրանը և Իրաքը կարևոր քննարկումներ են ունեցել երկու երկրների միջև կնքված անվտանգային համաձայնագրի ամբողջական իրականացման շուրջ, և որ Իրանը լրջորեն է տրամադրված իր ազգային անվտանգության ապահովման հարցում։
Ամիր Աբդոլլահյանը հավելել է, -«Իրաքի կառավարության բարձրաստիճան պաշտոնյաները և Ֆուադ Հոսեյնն այսօր շատ լավ միջոցներ են ձեռնարկել Իրանի սահմանների մոտ գտնվող շրջաններից ահաբեկչական խմբավորումների դուրսբերման, նրանց Իրաքյան Քուրդիստանի տարածքի խորքերը տեղափոխելու և զինաթափելու և երկու երկրների միջև կնքված անվտանգային համաձայնագրի ամբողջական իրականացման համար»:
«Հաջորդ քայլերն ամբողջությամբ կիրականացվեն առաջիկա օրերին՝ անվտանգային համաձայնագրի շրջանակներում», հավելել է նախարարը:
Իրաքի արտաքին գործերի նախարար Ֆուադ Հոսեյնը համատեղ ասուլիսում ասել է,«Իրաքի կառավարությունը լիովին հավատարիմ է Իրանի հետ անվտանգության մասին համաձայնագրին, և որ այս ծրագիրը կիրականացվի մինչև սեպտեմբերի 15-ը»։
Նշելով,որ Իրաքի սահմանադրությունը թույլ չի տալիս այս երկրի տարածքն օգտագործել այլ երկրի վրա հարձակվելու համար, Ֆուադ Հոսեյնը հստակեցրել է,-«Իրաքի և Իրանի միջև անվտանգության ոլորտում համագործակցությունը հիմնականում սահմանադրության շրջանակում է»։