Ռայիսի. Իրանն ապացուցել է, որ դժվարին ժամանակներում կանգնած է Իրաքի կողքին
ԻԻՀ նախագահն ասել է. «Այն օրերին, երբ ԻԼԻՊ-ը գտնվում էր Իրաքում, Իրանն ապացուցեց, որ այդ երկրի բարեկամն է»:
Չորեքշաբթի օրն Իրաքի ԱԳ նախարար Ֆուադ Հոսեյնի հետ հանդիպման ժամանակ, ԻԻՀ նախագահ Էբրահիմ Ռայիսին ասել է, որ իրանցի և իրաքցի նահատակների, այդ թվում գեներալ-լեյտենանտ նահատակ Սոլեյմանիի և Աբու Մեհդի Ալ-Մոհանդեսի արյան միախառնումը, Իրաքի սրբազան ավանդույթների և տարածքային ամբողջականության պաշտպանութանը, կրոնական հարաբերություններին և մշակութային և պատմական հարչաբերությունների հետ մեկտեղ, երկու երկրների միջև հարաբերությունների ամրապնդման ապացույցն է:
Նա հավելել է. «Այն օրերին, երբ Իրաքը գտնվում էր ԻԼԻՊ ահաբեկչական խմբավորման շրջափակման մեջ, Իրանը չվարանեց օգնել այդ երկրի պաշտպանությանը և ապացուցել, որ Իրաքի դժվարին ժամանակների բարեկամն է»:
Ռաիսին ընդգծել է համապատասխան պայմանավորվածությունների լիարժեք իրականացման անհրաժեշտությունը, հավելելով, որ Թեհրանը չի հանդուրժի երկու երկրների սահմանին կամ Իրաքի տարածքում ահաբեկչական խմբավորումների ներկայությունը:
Իրաքի ԱԳ նախարար Ֆուադ Հոսեյնը նշել է, որ երկու երկրների դիվանագիտական պատվիրակությունների և բարձրաստիճան պաշտոնյաների շարունակական հանդիպումները վկայում են Իրանի և Իրաքի միջև ամուր և ընդլայնվող հարաբերությունների մասին, հավելելով. «Այսօր երկու երկրների հարաբերությունները վեր են պարզապես քաղաքական, մշակութային և տնտեսական հարաբերություններից»:
Անդրադառնալով երկու երկրների միջև տարբեր, այդ թվում՝ անվտանգության ոլորտում ձեռք բերված պայմանավորվածությունների կատարման ընթացքին, Իրաքի արտգործնախարարն ընդգծել է, որ իր երկիրը հավատարիմ է պայմանավորվածություններին:
Նա հավելել է. «Իրաքի կառավարությունը թույլ չի տա որևէ շարժման կամ խմբավորման սպառնալ իր տարածքին և խախտել հարևանների, հատկապես Իրանի Իսլամական Հանրապետության հետ սահմանները»:
