Իրանը չեղարկել է դեպի Երևան և Բաքու թռիչքների արգելքը

Իրանի Քաղավիացիայի կազմակերպության խոսնակն ասել է. «Ղարաբաղի տարածաշրջանում խաղաղության և հրադադարի հաստատման մասին լուրերից հետո Իրանից Հայաստան և Ադրբեջան թռիչքների արգելքը չեղարկվել է»։

Ավելի վաղ, Ղարաբաղում ռազմական գործողության պատճառով, ԻԻՀ Քաղավիացիայի կազմակերպությունը հայտարարել էր Իրանից Հայաստան և Ադրբեջան թռիչքների չեղարկման մասին՝ մինչև հետագա ծանուցում:

Իրանի ավիաուղիների ներկայացուցիչ  Ջաֆար Յազերլուն հայտարարել է, որ  ավիաընկերություններին թույլատրվել է թռիչքներ իրականացնել Հայաստան և Ադրբեջան: