Քանանի. Շվեդիայի իշխանությունների՝ Սուրբ Ղուրանի անարգումը դատապարտող հայտարարությունները բավարար չեն
ԻԻՀ ԱԳՆ խոսնակը խստորեն դատապարտել է Շվեդիայում Ղուրանի անարգման հերթական դեպքը:
ԻՍՆԱ-ի հաղորդմամբ՝ Նասեր Քանանին ասել է.«Ցավոք, մենք դեռևս ականատես ենք մարդու իրավունքների հիմնական սկզբունքներին հակասող գործողությամբ իսլամական սրբություններն անարգող քայլերի կրկնության»:
Քանանին ասել է. «Շվեդական ոստիկանության պասիվ ներկայությամբ ատելության հողի վրա իրականացվող այս գործողություններն ավելի քան երկու միլիարդ մուսուլմանների իրավունքների և արժեքների ոտնահարում են, և երբեք չեն ջնջվելու աշխարհի ազատ մտածող և ճշմարտությունը փնտրող մարդկանց հիշողություններից»:
Նա նշել է. «ԻԻՀ տեսանկյունից՝ Շվեդիայի իշխանությունների կողմից Սուրբ Ղուրանի վրա հարձակումը դատապարտող հայտարարությունները բավարար չեն։ Ուստի ակնկալվում է, որ Շվեդիայի կառավարությունը հավատարիմ կմնա մարդու իրավունքների հիմնարար սկզբունքներին և կփորձի խթանել կրոնների խաղաղ գոյակցությունը գործնական և արդյունավետ միջոցներով և կարձագանքի մուսուլմանների և միաստվածային կրոնների հետևորդների պահանջին»: