Փեզեշքիանի պատասխանը Թրամփին․ Իրանի դիմադրությունը կշարունակվի մինչև ագրեսորների զղջալը

Իրանի նախագահը, արձագանքելով ԱՄՆ նախագահի հակաիրանական հայտարարություններին, ընդգծել է, որ Իրանի Իսլամական Հանրապետությունը ագրեսիայի առջև չի նահանջի և իր դիմադրությունը կշարունակի մինչև ագրեսորների լիակատար զղջալը։

Ինչպես հաղորդում է «Փարս Թուդեյ»-ը, Մասուդ Փեզեշքիանը հրապարակած ուղերձում հայտարարել է, որ Իրանը մշտապես դեմ է եղել պատերազմին և ժողովրդի շահերի ու տարածաշրջանային անվտանգության պահպանումը պայմանավորում է լարվածության ու պատերազմ հրահրելու քաղաքականությունից խուսափելու հետ։

Նա հավելել է. «Իրանը, ինչպես մինչ այժմ քաջությամբ պաշտպանել է իրեն ագրեսիայի դեմ, նույն վճռականությամբ կշարունակի այս ուղին և կպաշտպանի Իրանի ժողովրդի իրավունքները»։