Սիոնիստների հանցագործությունների դեմ կարևորվել է աշխարհի խորհրդարանների համատեղ գործողությունը
Իրանի խորհրդարանական բարեկամության խմբերի ղեկավարները աշխարհի խորհրդարաններում իրենց գործընկերներին հղած նամակում կոչ են արել օգտագործել խորհրդարանների հնարավորությունները՝ աջակցելու Գազայի ժողովրդին Սիոնիստական ապարտեիդի ռեժիմի բռնությունների դեմ:
Իրանի Իսլամական Հանրապետության խորհրդարանական բարեկամության խմբերի նախագահների իրենց գործընկերներին ուղղված նամակում ասված է՝ այսօր հասարակական կարծիքը և աշխարհի ազատ ժողովուրդները հոգնել են Գազայի հատվածում ճնշված և անպաշտպան Պաղեստինի ժողովրդի դեմ Սիոնիստական օկուպացիոն ռեժիմի հակամարդկային հանցագործություններից և դաժան գործողություններից, ինչը ցեղասպանության վառ օրինակ է և միջազգային և մարդու իրավունքների բացահայտ խախտում։
Իրանի Իսլամական Հանրապետության խորհրդարանական բարեկամության խմբերը՝ կարևորելով Պաղեստինի ժողովրդին աջակցելու և Գազայի հատվածում Սիոնիստական ռեժիմի ռազմական հանցագործությունները դատապարտող միջազգային շարժումներն ու գործողությունները, ինչպես նաև ընդգծելով պաղեստինցիների, այդ թվում կանանց ու երեխաների սպանության դադարեցումը, կարևորել են մարդասիրական բոլոր անցումների վերաբացումը՝ միջազգային օրենքների կատարմանը համապատասխան։
Նշենք, որ իսրայելական ռեժիմի ագրեսիայի հետեւանքով Գազայում նահատակների թիվը հոկտեմբերի 7-ից աճել է մինչեւ 18205 մարդ։ Սիոնիստների հարձակումների ժամանակ վիրավորվել է 49645 պաղեստինցի։