Իրանում առաջին անգամ երեխաների ուղեղում էլեկտրոդի իմպլանտացիայի վիրահատություն է արվել
Իրանում առաջին անգամ երեխաների ուղեղում էլեկտրոդների իմպլանտացիայի վիրահատություն (DBS) է իրականացվել Իրանի բժշկական գիտությունների համալսարանում՝ նպատակ ունենալով վերահսկել դեղակայուն նոպաները։
Նյարդավիրաբուժության և գլխուղեղի ստերեոտաքսիկ և ֆունկցիոնալության մասնագետ բժիշկ Մանսուր Փարվարեշն ասաց. Այս նուրբ և զգայուն վիրահատությունը հաջողությամբ իրականացվել է 12-ամյա աղջկա վրա Թեհրանի «Հազրաթ Ռասուլ Աքրամ» հիվանդանոցային համալիրում։
Երախտագիտություն հայտնելով իր գործընկերների թիմին, այս իրանցի մասնագետ բժիշկը հավելեց, որ բուժման այս մեթոդում էլեկտրոդը տեղադրվում է թալամուսի խորքային միջուկներում։
Բժիշկ Մանսուր Փարվարեշի խոսքով, այս մեթոդում էլեկտրոդային համակարգը միացվում է կրծքավանդակի մաշկի տակ գտնվող նուրբ գեներատորին, որը կանխում է նոպաները՝ ճշգրտված իմպուլսներ ուղարկելով ուղեղի կառուցվածքների խորքը:
Իրանի Իսլամական Հանրապետությունը ուղեղային սուր ինսուլտների բուժման ոլորտում 10 հաջողակ երկրների շարքում է, և այդ հնարավորությունը օրեցօր մեծանում է իրանցի մասնագետների կարողություններով ու գիտելիքներով։
