Իրանն ու Լիբանանն ընդլայնում են մշակութային համագործակցությունը

Անդրադառնալով Լիբանանի հետ գիտահետազոտական և ակադեմիական կապերի ընդլայնմանը, Իրանի մշակույթի և իսլամական առաջնորդության նախարարը հայտարարել է որ Թեհրանը պատրաստ է ընդլայնել երկկողմ հետազոտական փոխգործակցությունը։

ԻՌՆԱ-ի հաղորդմամբ՝ Մոհամմադ Մեհդի Էսմայիլին չորեքշաբթի օրը Թեհրանում հանդիպել է Լիբանանի շիաների իսլամական գերագույն ժողովի փոխնախագահ շեյխ Ալի Խաթիբի հետ:

Հանդիպմանն Էսմայիլին ասել է․ «Իրանի հիմնական ռազմավարությունը էթնիկ և կրոնական բազմազանության ճանաչումն է՝ միասնության և մերձեցման նպատակով»։

Իրանի մշակույթի և իսլամական առաջնորդության նախարարը նշել է. «Ալ-Քաիդան, թաքֆիրական խմբավորումները  և ԻԼԻՊ-ն  ամերիկյան և իսրայելական թշնամիների գործակալներն են, որոնց նպատակն է պառակտել իսլամական աշխարհը»։