Թշնամու սպառնալիքի դեպքում, հնարավոր է վերանայել Իրանի պաշտպանական դոկտրինան և միջուկային քաղաքականությունը․Գեներալ Հաղթալաբ
Իրանի միջուկային կենտրոնների պաշտպանության և անվտանգության կորպուսի հրամանատարը, ընդգծելով երկրի միջուկային կենտրոնների կատարյալ անվտանգությունը և արձագանքելով Սիոնիստական ռեժիմի սպառնալիքին, ասել է, որ հնարավոր է վերանայել Իրանի Իսլամական Հանրապետության դոկտրինան ու միջուկային քաղաքականությունը և հրաժարվել անցյալում հայտարարված նկատառումներից։
Իսլամական հեղափոխության պահապանների կորպուսի հասարակայնության հետ կապերի վարչության տարածած հաղորդագրության համաձայն՝ Իրանի միջուկային կենտրոնների պաշտպանության և անվտանգության կորպուսի հրամանատար, բրիգադային գեներալ Ահմադ Հաղթալաբն «Ազնիվ խոստում» հաղթական գործողությանը պատասխանելու համար Իրանի միջուկային օբյեկտների վրա հարձակվելու Սիոնիստական ռեժիմի հավանական քայլի կապակցությամբ ասել է,-«Այս սպառնալիքները կապված չեն այսօրվա և երեկվա հետ: Նախորդ տարիներից ի վեր սիոնիստական կեղծ ռեժիմը, բացի սպառնալիքներից, կործանարար և ահաբեկչական գործողություններ է իրականացրել Իրանի Իսլամական Հանրապետության միջուկային արդյունաբերության ոլորտում»։
Իրանի միջուկային կենտրոնների պաշտպանության և անվտանգության կորպուսի հրամանատարը հավելել է, որ թեև միջազգային արձանագրությունների և ստանդարտների և Միջազգային միջուկային գործակալության օրենքների և կանոնակարգերի հիման վրա բոլոր երկրներին արգելվել է հարձակվել միջուկային օբյեկտների վրա, սակայն Իրանի Իսլամական Հանրապետությունը ի սկզբանե միշտ պատրաստ է եղել դիմակայել այդ սպառնալիքներին:
Նշելով, որ վերջերս Սիոնիստական ռեժիմը հանցավոր քայլի դիմելով և հարձակվելով Սիրիայում Իրանի Իսլամական Հանրապետության դեսպանատան հյուպատոսական բաժնի վրա, խախտել է բոլոր միջազգային օրենքներն ու կանոնները, չէր ենթադրվում, որ Սիոնիստական ռեժիմը կրկին փորձի միջուկային կենտրոնների վրա հարձակմամբ սպառնալ Իրանին, բրիգադային գեներալ Հաղթալաբն ընդգծել է,- Զինված ուժերի գերագույն գլխավոր հրամանատարության ցուցումներով, զինված ուժերի ջանքերով և պասիվ պաշտպանության պլանների կիրառմամբ, ինչպես նաև բարձր առաջադեմ սարքավորումներով ու հնարավորություններով կհակադարձվի Սիոնիստական ռեժիմի ցանկացած սպառնալիքի։
Իրանի միջուկային կենտրոնների պաշտպանության և անվտանգության կորպուսի հրամանատարն ընդգծելով, որ Իրանի Իսլամական Հանրապետության զինված ուժերը գտնվում են լիակատար պատրաստվածության մեջ՝ հավելել է,-Սիոնիստական թշնամու միջուկային կենտրոնների մասին անհրաժեշտ տեղեկությունները մեր տրամադրության տակ են և նրանց հավանական քայլին պատասխանելու համար ձեռքերը պահված են ձգանի վրա՝ նշված թիրախները հզոր հրթիռներով ոչնչացնելու համար։
Բրիգադային գեներալ Հաքթալաբն ընդգծել է, որ եթե Սիոնիստական ռեժիմը ցանկանա գործողություններ ձեռնարկել Իրանի միջուկային կենտրոնների և օբյեկտների դեմ, ապա անպայման կբախվի Իրանի Իսլամական Հանրապետության արձագանքին և հարձակման կենթարկվի։
Բրիգադային գեներալ Հաղթալաբը հավելել է, որ եթե սիոնիստական կեղծ ռեժիմը ցանկանում է Իրանի միջուկային օբյեկտների վրա հարձակման սպառնալիքն օգտագործել որպես Իսլամական Հանրապետության վրա ճնշում գործադրելու գործիք, ապա հնարավոր է վերանայել Իրանի դոկտրինան ու միջուկային քաղաքականությունը և հրաժարվել անցյալում հայտարարված նկատառումներից։
Իրանի միջուկային կենտրոնների պաշտպանության և անվտանգության կորպուսի հրամանատարը հայտարարել է, որ եթե Սիոնիստական ռեժիմը ագրեսիվ գործողություններ իրականացնի Իրանի դեմ, ապա պատասխանի տեսակը կլինի Իրանի Իսլամական Հանրապետության զինված ուժերի պլանավորմամբ, և նրանք պետք է վստահ լինեն, որ այն հարվածը, որը ստանալու են զինված ուժերից, կնմանի « Ազնիվ խոստում» գործողությանը։
