Իրան. Մենք անշուշտ օգտագործելու ենք Իսրայելին պատժելու մեր անօտարելի իրավունքը
Իրանի արտաքին գործերի նախարարությունը, ընդգծելով իսրայելական կեղծ ռեժիմին պատժելու Թեհրանի անօտարելի իրավունքը, Թեհրանում ՀԱՄԱՍ-ի քաղբյուրոյի ղեկավարին սպանելու Իսրայելի ահաբեկչական արարքը որակել է որպես Իսլամական Հանրապետության տարածքային ամբողջականության խախտում և տարածաշրջանային ու միջազգային խաղաղությունն ու կայունությունը վտանգող գործողություն:
ԻԻՀ ԱԳ նախարարի պաշտոնակատար Ալի Բաղերի Քանին Եվրամիության արտաքին քաղաքականության պատասխանատու Ջոզեֆ Բորելի հետ հեռախոսազրույցում, անդրադառնալով Թեհրանում ՀԱՄԱՍ-ի քաղբյուրոյի ղեկավար Իսմայիլ Հանիեին սպանելու Սիոնիստական ռեժիմի ահաբեկչական քայլին , այն համարել է ոչ միայն ԻԻՀ տարածքային ամբողջականության և ազգային ինքնիշխանության խախտում, այլ նաև որպես տարածաշրջանային և միջազգային խաղաղությունն ու կայունությունը վտանգելու փորձ, և ասել է. «Իրանը միանշանակ կօգտագործի իր անօտարելի և օրինական իրավունքը՝ պատժելու իսրայելական կեղծ ռեժիմին»։
Իրանի ԱԳ նախարարի պաշտոնակատարը անդրադառնալով ԻԻՀ պահանջով ՄԱԿ-ի ԱԽ արտահերթ նիստի անցկացմանը, որոշ եվրոպական երկրների լռությունն ու համագործակցությունը ԱՄՆ-ի հետ՝ նահատակ Հանիեի սպանության դատապարտումը կանխելու, ինչպես նաև Եմենում և Լիբանանում հովանավորելու սիոնիստական պատերազը, համարել է որպես խրախուսանք այս ռեժիմի ոտնձգությունների համար, որը վտանգել է տարածաշրջանում խաղաղությունն ու կայունությունը։
Վերջում Բաղերին ասել է, որ Եվրամիությունը պետք է միջազգային խաղաղությունն ու անվտանգությունը պահպանելու իր պարտականություններին համահունչ ճնշում գործադրի Սիոնիստական ռեժիմի վրա՝ կանխելու այս ռեժիմի հանցագործությունների շարունակումը։
Այս հեռախոսազրույցում Եվրամիության արտաքին քաղաքականության ղեկավարը նաև ընդգծելով իր տարածքային ամբողջականությունն ու ինքնիշխանությունը պաշտպանելու ԻԻՀ օրինական իրավունքը, մտահոգություն է հայտնել տարածաշրջանում լարվածության աճի և լայնամասշտաբ պատերազմի ձևավորման և տարածաշրջանի բնակչության համար դրա հետևանքների ու բարդությունների առնչությամբ։
