Իրանը ողջունել է ՅՈՒՆԵՍԿՕ-ում Նոռուզի գրանցման հարցին այլ երկրների միանալը
Իրանի մշակութային ժառանգության, զբոսաշրջության և ձեռարվեստի նախարարն ասել է․ «ՅՈՒՆԵՍԿՕ-ում Նոռուզի գրանցման հայցին այլ երկրների միանալը մերձեցում է իրանական մշակույթի հետ, քանի որ Նոռուզի մշակույթի սկզբնաղբյուրն Իրանի հողն է»:
ՅՈՒՆԵՍԿՕ-ում Նոռուզի գրանցման դիմումին Մոնղոլիայի միանալուց հետո, դեկտեմբերի 5-ին այս տոնը երրորդ անգամ գրանցվել է կազմակերպության ցանկում։
ԻՍՆԱ-ի հաղորդմամբ՝ Իրանի մշակութային ժառանգության, զբոսաշրջության և ձեռարվեստի նախարար Սեյեդռեզա Սալեհի Ամիրին այս կապակցությամբ ասել է․ «ՅՈՒՆԵՍԿՕ-ում Նոռուզի գրանցման դիմումին Մոնղոլիայի միանալը վկայում է Իրանի քաղաքակրթական կարողությունների մասին։ ՅՈՒՆՍԵԿՕ-ի ցանկում գրանցումը փոխեց Նոռուզի մշակույթի սանդղակն ազգային-տարածաշրջանային մակարդակից, այն հասցնելով համաշխարհային մակարդակի։
Նախարարը հավելել է․ «Իրականում Նոռուզը միավորում է իրանական ժողովուրդների ընդհանուր մշակույթը։ Տարածաշրջանային մասշտաբով Նոռուզը միավորում 13 երկրների ընդհանուր հոգևոր ժառանգությունը, իսկ ՅՈՒՆԵՍԿՕ-ում այս տոնի գրանցումն այն դուրս է բերում համաշխարհային մակարդակ»:
Նշելով, որ Նոռուզի ծագման աղբյուրն Իրանի հողն է, նախարարը հավելել է․ «Այս տոնն այնքան կարևոր է եղել, որ այն տոնելու համար կառուցվել է Պերսեպոլիս եզակի համալիրը»։ Նոռուզի կարևոր դերը և դրա կապը ճարտարապետության արժեքների ու գիտելիքների հետ, Պերսեպոլիսի ստեղծման հիմք են դարձալ, ինչը Իրանի մշակույթի ու քաղաքակրթության չափերի վկայությունն է։
