ԻԻՀ ԱԳՆ խոսնակն արձագանքել է ՅՈՒՆԵՍԿՕ-ում Մեհրեգան տոնի գրանցմանը
ԻԻՀ ԱԳՆ խոսնակը նշել է, որ անհրաժեշտ է վերականգնել տարածաշրջանի ժողովուրդների կապերը և պաշտպանել մշակութային, քաղաքակրթական և մարդկային ընդհանրությունները:
Մեհրեգան տոնն իրանական հնագույն տոներից է, որը նշվում է սիրո և բարեկամության առիթով։ Այս օրը մարդիկ այցելում են իրար, պատրաստում հատուկ ուտեստներ և նվիրում նվերներ։
Որոշ շրջաններում կազմակերպվում են նաև երաժշտական միջոցառումներ։
Մեհրեգան տոնի մասին Իրանի գրականության մեջ բազմաթիվ հիշատակումներ կան, ինչը վկայում է, որ այն շատ կարևոր է երկրի մշակույթի ու պատմության մեջ։
Հղում անելով ԻՌՆԱ-ին, «Սահաբ» գործակալությունը հաղորդում է, որ ԱԳՆ խոսնակ Իսմայիլ Բաղայի Համանեն ասել է․ «Նոռուզ և Սադե տոներից հետո Մեհրեգանն իրանական երրորդ տոնն է ՅՈՒՆԵՍԿՕ-ի մշակութային ժառանգության ցանկում»։
X-ում արած գրառման մեջ շնորհավորելով տոնի՝ ՅՈՒՆԵՍԿՕ-ի ցանկում գրանցման կապակցությամբ, Բաղայի Համանեն նշել է․ «Մեհրեգան տոնն իրանական ժողովուրդների բարության և հանդուրժողականության խորհրդանիշն է։ Այս տոնի գրանցումը Տաջիկստանի ու Իրանի միջև համագործակցության օրինակ է՝ ընդհանուր պատմա-քաղաքակրթական-մշակութային ժառանգությունը պահպանելու և ներկայացնելու հարցում»:
