Նոռուզյան Շնորհավորանք

Անհուն ուրախությամբ շնորհավորում եմ իրանցի մեր հայրենակիցներին Նոր տարվավ-Նոռուզի բարեբաստիկ տոնի առիթով և մաղթում, որ առաջիկա նոր տարին Իրանի մեր ժողովրդի և երկրի համար լինի խաղաղության, սիրո, եղբայրության և հաջողության տարի:

Նորն ու նորոգությունը մարդկային կյանքից անբաժան երևույթներ են, որոնք մարդկային կյանքն առավել ևս կիմաստավորեն:  Այսօրվա աշխարհը դժբախտաբար տագնապների և նոր մարտահրավերների առաջ է կանգնած: Մենք փառք ենք տալիս Աստծուն, որ մեր հայրենիք Իրանն իր կարողականությամբ ոչ միայն դիմագրավվում է այդ բոլոր դժվարությունները այլև զարգացման և բարգավաճման շարունակական ընթացքի մէջ է:

Այս առիթով ի սրտե շնորհավորում ենք Իրանի Իսլամական Հանրապետության Հոգևոր առաջնորդ՝ Սեյեդ Ալի Խամենեին իրեն մաղթելով առավել առողջություն և իմաստություն, որ կարողանա  շարունակել իր դժվարին առաքելությունը և Իրանի ժողովրդին պարգևի խաղաղ և բարգավաճ կյանք: Շնորհավորում ենք նաև երկրի վսեմաշուք նախագահ՝ դոկտ. Փեզեշքյանին, Իրանի Իսլամական խորհրդարանի նախագահ՝ դոկտ. Ղալիբաֆին և Դատական իշխանության նախագահ՝ հոջթ. Էժեյին, բոլորին մաղթելով առողջություն, երկար կյանք և առավել բարեբեր գործունեություն:

Նույնքան անկեղծ զգացումներով շնորհավորում ենք Իրանի ժողովրդին՝ եղբայրներին և քույրերին և  բոլորին մաղթում ենք լավագույններից լավագույնը ու հայտնում մեր օրհնությունները:

Թող Աստված անսասան պահի Իրանը իր ժողովրդով:

Շնորհավոր Նոռուզ.

ՍԵՊՈՒՀ ԱՐՔ. ՍԱՐԳՍՅԱՆ

ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ