Սիոնիստական ռեժիմը ոճրագործ Ամերիկայի սպանդի մեքենան է
Pars Today - Իրանի Իսլամական Խորհրդարանի նախագահը, անդրադառնալով Պաղեստինի անպաշտպան ժողովրդի կոտորածում սիոնիստների հանցագործություններին, ասաց. Փաստորեն Սիոնիստական ռեժիմը ոճրագործ Ամերիկայի սպանդի մեքենան է։
Իրանի Իսլամական Խորհրդարանի նախագահ Մոհամմադ Բաղեր Ղալիբաֆը ուրբաթ օրը Թեհրանում Ղուդսի միջազգային օրվա միջոցառման ժամանակ ասաց. Իմպերիալիստական համակարգը շարունակում է ապրել՝ կեղեքելով մարդկային հասարակությունը, իսկ Պաղեստինը միջազգային հանրության արթնացած խիղճն է ընդդեմ Իմպերիալիստական համակարգի:
Ինչպես հաղորդում է Pars Today-ը՝ վկայակոչելով IRNA-ին, Իրանի Իսլամական Խորհրդարանի նախագահը՝ նշելով, որ ԱՄՆ-ի հարաբերությունները Սիոնիստական ռեժիմի հետ գործընկերային, համաձայնության, աջակցության և դաշնակցային հարաբերություններ են, ասել է. Անգլիայի և Իսրայելի հարաբերություններն էլ հայր-որդի հարաբերություններ են: Այլ կերպ ասած, Բրիտանիան ցանկանում է ավարտին հասցնել այն կիսատ նախագիծը, որը սկսել է 1948 թվականին Առաջին համաշխարհային պատերազմի ժամանակ՝ հիմնադրելով Սիոնիստական կազմակերպությունը։
Իրանի Իսլամական Խորհրդարանի նախագահը նաև ընդգծել է, որ Դիմադրության ճակատը դեռևս ունի անհրաժեշտ ուժը Սիոնիստական ռեժիմին դիմակայելու համար՝ հավելելով․ Դիմադրության ճակատի և Սիոնիստական ռեժիմի բանակցություններում բոլորը տեսան, որ իսրայելական բանտերից պաղեստինցի գերիներին ազատ արձակելուց հետո ազատ արձակվեցին սիոնիստ գերիները, և երբ Սիոնիստական ռեժիմը խախտեց հրադադարը, ինչպես 77 տարի առաջ, Դիմադրության ճակատը պատասխանեց Գազայից և Եմենից։
Իր ելույթի մեկ այլ հատվածում Ղալիբաֆը հայտարարել է, որ սպառնալիքներով բանակցելը նշանակում է պահանջներ պարտադրել ուրիշներին, և պարզաբանել. Ամերիկայի առաջնորդները ոչ միայն ցանկանում են անտեսել Իրանի ռազմական հնարավորությունները, այլև բանակցություններ ասելով՝ նրանք նկատի ունեն Իսլամական Հանրապետության զինաթափումը։ Բայց թշնամու պահանջները բավարարելու համար բանակցելը պատերազմի նախերգանք է, և ոչ մի ազգ նման պահանջ չի ընդունի:
Նշելով, որ զոռբայության համակարգում Իսլամական Հանրապետությունը հզոր և կեղեքված երկիր է, Իրանի օրենսդիր մարմնի ղեկավարն ասել է. «Իրանի Իսլամական Հանրապետությունը, ապավինելով ժողովրդին, խիզախ առաջնորդին, պաշտպանական ուժին և հավատացյալ, հեղափոխական, նահատակության ձգտող, փորձառու և նվիրյալ զինված ուժերին և Բասիջի աշխարհազորայիններին, կանգուն է ասպարեզում և չի վախենում որևէ սպառնալիքից»:
Իրանի Իսլամական Խորհրդարանի նախագահը զգուշացրել է ԱՄՆ-ին և նրա դաշնակիցներին. «Եթե նրանք սպառնան իսլամական Իրանին, ապա, ինչպես վառոդի պահեստը, տարածաշրջանում Ամերիկայի դաշնակիցներն ու ամերիկյան բազաները անվտանգ չեն լինի»։
