Փեզեշքյանն ու Էրդողանը տարածաշրջանային հարցեր են քննարկել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԻԻՀ նախագահ Մասուդ Փեզեշքյանի հետ: Այս մասին հայտնում է Թուրքիայի նախագահի գրասենյակը։

«Զրույցի ընթացքում քննարկվել են Իրանի և Թուրքիայի միջև երկկողմ հարաբերությունները, տարածաշրջանային և գլոբալ հարցեր», - հայտնել է գրասենյակը:

Էրդողանը հայտարարել է, որ Անկարան շարունակում է աշխատել թուրք-իրանական հարաբերությունների ինստիտուցիոնալ հիմքերի ամրապնդմանն ուղղված առաջիկա քայլերի ուղղությամբ: