«Ֆաթահ» գերձայնային հրթիռներն Իրանի ռազմական տեխնոլոգիաների զարգացման խորհրդանիշն են
Գերձայնային հրթիռների կառուցման ոլորտում համաշխարհային մրցակցության սրվելու ֆոնին, Իրանը նույնպես մտել է այս ասպարեզ՝ իր հրթիռային հնարավորությունները հասցնելով նոր մակարդակի։
Գերձայնային հրթիռները շարժվում են ձայնի արագությունից հինգ անգամ բարձր արագությամբ, և այդ արագության ու մանևրելու ունակության շնորհիվ համարյա անորսալի են։
Pars Today-ի փոխանցմամբ՝ Իրանը, զարգացնելով առաջադեմ ռազմական տեխնոլոգիաներ, վերջերս ներկայացրել է այս ոլորտում իր կարևոր նվաճումը՝ «Ֆաթահ» գերձայնային հրթիռը։
Հրթիռն ունի 400 կմ հեռահարություն և 13 Մախ (ժամում 16,000 կիլոմետր) արագություն։
«Ֆաթահ» գերձայնային հրթիռները, որպես Իրանի ՊՆ ան հետազոտական և զարգացման նախագծերի մաս, ունեն հատուկ հնարավորություններ, ինչպիսիք են բարձր արագությունը, նշանառության ճշգրտությունը և թշնամու հրթիռային պաշտպանության համակարգերը շրջանցելու կարողությունը։
Այս հրթիռները սովորաբար օգտագործում են առաջադեմ վառելիք և հագեցած են շատ ճշգրիտ թռիչքի կառավարման տեխնոլոգիաներով, որոնք թույլ են տալիս փոխել թռիչքի ուղղությունը: Այս առանձնահատկությունը թույլ չի տալիս կանխատեսել հրթիռների ուղղությունը և ոչնչացնել դրանք:
«Ֆաթահ» գերձայնային հրթիռներն Իրանի ռազմական տեխնոլոգիաների զարգացման խորհրդանիշն են
Այս հրթիռը վկայում է Իրանի վճռականության մասին՝ զարգացնելու ժամանակակից պաշտպանական համակարգերը և բարձրացնելու իր զսպման ունակությունը: Այս տեխնոլոգիաները ոչ միայն թույլ են տալիս Իրանին մարտադաշտում ունենալ գերակա դիրք, այլև ավելի մեծ կշիռ են ստեղծում երկրի համար միջազգային բանակցություններում և պաշտպանական քաղաքականության մեջ:
«Ֆաթահ» գերձայնային հրթիռներն Իրանի պաշտպանական արդյունաբերության մեջ նշանակալի առաջընթացի օրինակ են։ Իրանը, հենվելով տեղական գիտելիքների և առաջատար համաշխարհային տեխնոլոգիաների վրա, քայլեր է ձեռնարկում ինքնաբավության և ազգային անվտանգության բարձրացման ուղղությամբ։
