Բացահայտեք Իրանը - Իրանի փողոցները՝ պատմություններ պատմող արահետներ

Հրավիրում ենք ձեզ միանալ մեզ՝ կատարելու քաղաքային ճանապարհորդության և բացահայտելու Իրանի ամենագեղեցիկ փողոցները, զգալու կյանքը, պատմությունը և առօրյա գեղեցկությունը։

Իրանի քաղաքներում կան փողոցներ, որոնք առանձնանում են իրենց  գործառույթից։ Դրանք քաղաքի հիշողությունն են. կյանքի, պատմության, երկխոսության և շարժման տեսարան։ Այսօր շատ զբոսաշրջիկների երթուղին անցնում է  թանգարանների և պատմական հուշարձաններին զուգահեռ, անցնում է նաև մի փողոցով։ 
Այս ռեպորտաժում Pars Today-ը ներկայացնում է Իրանի ամենագեղեցիկ փողոցներից մի քանիսը. փողոցներ, որոնք տեսնելու համար  պետք է պարզապես քայլել,, շնչել ու հետևել  կյանքի ընթացքին։

Թեհրանի Վալի-Ասր փողոցը

Արևմտյան Ասիայի ամենաերկար փողոցը, որը շրջապատված է հին սոսիներով, ժամանակակից Թեհրանի կենդանի պատմությունն է: Այս 18 կիլոմետրանոց փողոցը ձգվում է քաղաքի հարավից հյուսիս՝ իր ծառերի ստվերի տակ կապելով բազմաթիվ սերունդների ու բազմազան հիշողություններ: Վալի-Ասր փողոցը ավելին է, քան պարզապես արահետ, այն քաղաքային կյանքի շարունակական պատմություն է։

Թաղբոստան բուլվար, Քերմանշահ

 Այս բուլվարը տանում է դեպի պատմության սիրտը: Կանաչ արահետ, որը կրում է իրանական քաղաքակրթության դարավոր առանձնահատկությունները, և միևնույն ժամանակ զբոսանքի և հավաքույթների աշխույժ վայր է: Երեկոյան, լեռնային ֆոնի և մեղմ եղանակի ներքո, Թաղբոստան բուլվարը դառնում է  շփվելու հաճելի վայր:

Աբբասի այգի, Սպահան 

Իրանական քաղաքաշինության գլուխգործոց և Սեֆյան դարաշրջանի մասունք: Աբբասի այգին, իր հաճելի մայթով և Սիոսեփոլ կամրջի հետ կապով, պատմության, բնության և քաղաքային կյանքի ներդաշնակ համադրություն է: Այս փողոցը պահպանել է Սպահանի ոգին՝ հանգիստ, հավասարակշռված և երկարակյաց:

Էրամ փողոց, Շիրազ 

Փողոցը սկսվում է նարնջի ծաղկի բույրով: Էրամ փողոցը փարթամ ծառերով և խաղաղ ճանապարհ է, որն ավարտվում է ՅՈՒՆԵՍԿՕ-ի համաշխարհային ժառանգության ցանկում ընդգրկված Էրամ այգում: Գարնանը այս փողոցով քայլելը  նուրբ և պոետիկ փորձառություն է. քաղաք, որը դանդաղորեն պատմում է գեղեցկության մասին:

Մոալլեմ բուլվար, Ռամսար 

Արմավենիներով և ցիտրուսային ծառերով զարդարված բուլվարը տանում է դեպի հին Ռամսար հյուրանոց։ Այս փողոցը հիշեցնում է ժամանակակից իրանական քաղաքաշինության սկիզբը, և դրանով քայլելը կարճ ճանապարհորդություն է բնության, պատմության և ճարտարապետության միջով։

Թարբիաթ փողոց, Թավրիզ  

Կենդանի մայթ քաղաքի պատմական հյուսվածքի սրտում։ Թարբիաթ փողոցը Թավրիզի Մեծ շուկան կապում է քաղաքի կենտրոնի հետ և հանդիսանում է առօրյա կյանքի, առևտրի և մշակույթի դինամիկ ցուցափեղկ։ Քաղաքային քանդակները, խանութները և անընդհատ երթևեկությունը այս փողոցը վերածել են քաղաքային տարածքի վերակենդանացման հաջողված օրինակի։ 

Ալամ-ուլ-Հոդդա փողոց, Ռաշթ

Քաղաքային մշակութային արահետ, որը հասնում է քաղաքային հրապարակ՝ Ռաշտի սիրտը։ Այս փողոցը գնումների, նստելու, խոսելու և դիտելու տարածք է։ Անձրևոտ օրերին Ալամ-ուլ-Հոդա փողոցը՝ լույսի և ձայնի իր արտացոլմամբ, ներկայացնում է անձրևոտ քաղաքի պոետիկ պատկեր։

Բու-Ալի Սինա փողոց, Համադան 

Քաղաքի հասարակական կյանքի կենտրոնը, որը կրում է պատմություն։ Այս փողոցը, որը հասնում է Բու-Ալի Սինայի դամբարան, քաղաքի գլխավոր փողոցների հատման կետն է և   գնումների, հանդիպումների և առօրյա կյանքի հետաքրքիր վայր։ Այստեղ անցյալն ու ներկան հոսում են կողք կողքի։

Hamshahri Online