Եվրասիայի վերջին զարգացումները | Իրանն ու Հայաստանը կարևորել են տարբեր ոլորտներում հարաբերությունների ընդլայնումը

Pars Today - Հայաստանի արտաքին գործերի նախարար՝ Արարատ Միրզոյանը հանդիպել է Իրանի Իսլամական Հանրապետության արտաքին գործերի փոխնախարար՝ Մաջիդ Թախթ Ռավանչիի հետ։ Կողմերն ընդգծել են երկու երկրների միջև տարբեր ոլորտներում հարաբերությունների ընդլայնումը։

Այս հանդիպմանը, քննարկվել են Երևանի և Թեհրանի միջև երկկողմ հարաբերությունների զարգացմանը վերաբերող հարցեր։ Կողմերը նաև ընդգծել են հարաբերությունները ռազմավարական մակարդակի բարձրացնելու համատեղ քաղաքական համաձայնությունը և քննարկել են այս ուղղությամբ կատարված աշխատանքների ընթացքը։ Իրանի արտաքին գործերի քաղաքական հարցերով փոխնախարարը ժամանել է Երևան՝ Իրանի և Հայաստանի միջև քաղաքական խորհրդակցական հանդիպումներ անցկացնելու նպատակով։ Այս ուղևորությունն իրականացվել է Իրանի Իսլամական Հանրապետության բարիդրացիական հարաբերությունների ամրապնդման, տարածաշրջանային համագործակցության ընդլայնման և 2026 թվականին Իրանի ու Հայաստանի միջև համագործակցության ճանապարհային քարտեզի սահմանման քաղաքականության շրջանակներում։

Ղազախստանում Իրանի դեսպանը հանդիպել է Ղազախստանի փոխարտգործնախարարի հետ

Ղազախստանում Իրանի Իսլամական Հանրապետության դեսպան Ալի Աքբար Ջոքարը հանդիպել է Ղազախստանի արտաքին գործերի փոխնախարար Արման Իսետաևի հետ։ Հանդիպման ընթացքում երկու կողմերը քննարկել են միջազգային և բազմակողմ հարցերում երկկողմ հարաբերությունների զարգացումը։

Եվրասիական տնտեսական միության առաջնահերթությունները 2026 թվականին

Ղազախստանի նախագահ Կասիմ-Ժոմարտ Տոկաևը, հայտարարելով 2026 թվականին Եվրասիական տնտեսական միությունում (ԵԱՏՄ) իր երկրի նախագահության առաջնահերթությունների մասին, որի հետ Իրանը նույնպես վերջին տարիներին զգալի առևտրային համագործակցություն է ունեցել, ընդգծել է թվային փոխակերպման զարգացումը, լոգիստիկ ենթակառուցվածքների ամրապնդումը և այս տարածաշրջանային բլոկում ներքին առևտրային խոչընդոտների վերացումը։ Հայտարարության մեջ Տոկաևը ներկայացրել է Ղազախստանի օրակարգի հիմնական առանցքները Եվրասիական տնտեսական միությունում իր նախագահության ընթացքում։ Այս միությունը ներառում է Հայաստանը, Բելառուսը, Ղազախստանը, Ղրղզստանը և Ռուսաստանը, և դրա նպատակն է նպաստել անդամ երկրների միջև ապրանքների, ծառայությունների, կապիտալի և աշխատուժի ազատ տեղաշարժին։