Իրանի նավթագազային արդյունաբերությունն աննախադեպ աճ է ցուցադրել

Չնայած շարունակվող պատժամիջոցային ճնշմանը, Իրանի նավթագազային արդյունաբերությունը վերջին մեկուկես տարվա ընթացքում ցուցադրել է աննախադեպ աճ, հայտնում է ԻՌՆԱ-ն։

Վերջին հաշվետվությունների համաձայն՝ ոլորտը գրանցել է մի շարք նշանակալի ռեկորդներ։

2025 թվականի հունվարին Իրանի նավթի նախարար Մոհսեն Պակնեժադը հայտարարեց հում նավթի արտահանման 10 տարվա առավելագույն ցուցանիշի հաղթահարման մասին։

Հում գազի օրական արդյունահանումը հասել է 1 միլիարդ 106 միլիոն խորանարդ մետրի, ինչը երկրի գազային արդյունաբերության պատմության բացարձակ ռեկորդ է։ Նոր կառավարության աշխատանքի առաջին 175 օրում նավթի արդյունահանումը ավելացել է օրական 75 հազար բարելով։Ըստ ՕՊԵԿ-ի 2024 թվականի փետրվարյան հաշվետվության՝ Իրանը հաջողությամբ ամրապնդում է իր դիրքերը խոշոր էներգակիրների մատակարարների շարքում։ Նավթի արտադրությունը աճել է մինչև օրական 3,308 միլիոն բարել։

Իրանը պաշտոնապես զբաղեցրել է երրորդ տեղը ՕՊԵԿ-ի խոշորագույն նավթարտադրողների շարքում՝ զիջելով միայն Սաուդյան Արաբիային և Իրաքին։