Իրանում չեղարկել են սպառազինության նոր նմուշների հանրային ցուցադրությունները

Իրանն անվտանգության նկատառումներով չեղարկել է սպառազինության նոր նմուշների բոլոր հանրային ցուցադրությունները: Այս մասին հայտարարել է երկրի պաշտպանության նախարարության պաշտոնական ներկայացուցիչ Ռեզա Թալայինիկը։

«Անվտանգության նկատառումներից ելնելով՝ ժամանակավորապես դադարեցրել ենք պաշտպանական ոլորտի նվաճումների հանրային ցուցադրությունները», - ասել է Թալայինիկը:

Նա միաժամանակ ընդգծել է, որ Իրանը շարունակում է զարգացնել իր հետազոտություններն ու մշակումները միկրոէլեկտրոնիկայի, արհեստական բանականության և կիբեռտեխնոլոգիաների ոլորտներում՝ համաձայն ընդունված պետական ծրագրերի։

Նշենք, որ Թալայինիկի հայտարարությունն արվել է Թեհրանի միջուկային ծրագրի հարցով իրանա–ամերիկյան հարաբերությունների վերջին սրման ֆոնին:

Իրանական միջուկային ծրագրի շուրջ տարաձայնությունները վերացնելու նպատակով փետրվարի 6-ին Օմանի մայրաքաղաք Մասկատում բանակցություններ են կայացել ԱՄՆ-ի և Իրանի պատվիրակությունների միջև։

Սա առաջին հանդիպումն էր ամիսներ տևած դադարից հետո, որն առաջացել էր 2025 թվականի հունիսին Իսրայելի հարձակումից հետո։ առաջացած բանակցային գործընթացում առաջին անգամ։ Այն ժամանակ Իրանն ու ԱՄՆ–ն խորհրդակցությունների հինգ փուլ էին անցկացրել: