Բացահայտեք Իրանը. Հորմոզգանի բնական հրաշալիքները, Իրան
Իր յուրահատուկ բնապահպանական բազմազանությամբ՝ սկսած անծայրածիր անապատներից և աղուտներից մինչև մանգրովային անտառներ, մարջանային խութեր և գունագեղ հողեր, Հորմոզգան նահանգը հայտնի է որպես հարավային Իրանի ամենակարևոր բնական զբոսաշրջային կենտրոններից մեկը։ Այս նահանգում մեկտեղված են ծովը, անապատն ու անտառը։
Pars Today-ի փոխանցմամբ՝ իր բազմազան լանդշաֆտների շնորհիվ, այս նահանգը մեծ ներուժ ունի կայուն զբոսաշրջության զարգացման համար։ Անապատները՝ ավազաբլուրներով և ժայռոտ հարթավայրերով, հարմար տարածք են ստեղծել լուսանկարչության, աստղադիտման և արկածային զբոսաշրջության համար։
Ղեշմում և Հորմոզի որոշ հատվածներում, այդ թվում՝ Չահքուհ հովտի շրջակայքում, անապատի և ծովի եզակի հարևանությունն այս տարածաշրջանի ակնառու առանձնահատկություններից մեկն է։
Ղեշմ և Հորմոզ կղզիների աղուտները ստեղծում են երազային լանդշաֆտներ՝ արտացոլելով արևի լույսը։ Բացի գեղեցկությունից, դրանք ունեն նաև գիտական նշանակություն։ Միևնույն ժամանակ, Ղեշմ, Լաֆտ և Խամիր շրջանների մանգրովային անտառները համարվում են կարևոր էկոհամակարգեր, չվող թռչունների և ջրային կենդանիների բնակավայրեր և էկոտուրիզմի շատ կարևոր վայրեր։
Քիշի, Ղեշմի և Հենգամի մարջանային խութերը համարվում են Պարսից ծոցի ծովային գանձեր։ Հորմոզ կղզու գունավոր հողը, մասնավորապես Կարմիր լողափը և Ծիածանի հովիտը, Իրանի երկրաբանական բազմազանության եզակի դրսևորում և կարևոր դեր են խաղում ներքին և արտասահմանյան զբոսաշրջիկներին գրավելու գործում։
