Թավրիզ–Երևան չվերթները երկու տարվա դադարից հետո կվերականգնվեն
Թավրիզ–Երևան երթուղու չվերթները երկու տարվա ընդմիջումից հետո հինգշաբթի օրվանից կվերականգնվեն։ Իրանցի թռիչքները կիրականացվեն Թավրիզի «Շահիդ Մադանի» միջազգային օդանավակայանից։
Ինչպես հաղորդում է Pars Today-ը, Արևելյան Ատրպատական նահանգի օդանավակայանների գլխավոր տնօրեն Մոհամմադալի Նայել Ղարամալեքին հայտնել է, որ այս երթուղին սպասարկելու է Pouya ավիաընկերությունը և թռիչքներն իրականացվելու են երկուշաբթի և հինգշաբթի օրերին։
Նա հավելել է, որ առաջին չվերթը տեղի կունենա հինգշաբթի օրը՝ ժամը 09։00-ին, Թավրիզի օդանավակայանից Երևան ուղղությամբ։
Անդրադառնալով այս երթուղու վերականգնման կարևորությանը, Ղարամալեքին ընդգծել է, որ Թավրիզ–Երևան չվերթների զարգացումը կնպաստի Իրանի և Հայաստանի միջև օդային հաղորդակցության ամրապնդմանը և երկու երկրների միջև ուղևորափոխադրումների ավելացմանը։