Իրանի պաշտպանության նախարարություն. պաշտպանական արդյունաբերության հզորացումը կշարունակվի եռանդով և նոր սպառնալիքներին համահունչ
Պաշտպանական արդյունաբերության օրվա և նահատակ առաջնորդի քառասուներորդ օրվա կապակցությամբ տարածած հայտարարության մեջ Իրանի պաշտպանության և զինված ուժերի աջակցության նախարարությունն ընդգծել է երկրի պաշտպանական կարողությունների ամրապնդմանն ու ինքնաբավության հասնելուն ուղղված ջանքերի շարունակականությունը։
Ինչպես հաղորդում է Pars Today-ը՝ վկայակոչելով IRIB լրատվական գործակալությունը, պաշտպանության նախարարությունը հայտարարել է, որ երկրի պաշտպանական արդյունաբերության ոլորտում արձանագրված առաջընթացի զգալի մասն ապահովվել է՝ հիմնվելով ներքին փորձագետների գիտելիքների և կարողությունների վրա, և որ այդ ուղին շարունակվելու է մեծ եռանդով։
Հայտարարության մեջ ընդգծվել է, որ նահատակ առաջնորդի ժառանգությունը՝ պատասխանատվություն է մասնավորապես պաշտպանական ենթակառուցվածքների ամրապնդման, իրանցի երիտասարդների ու գիտնականների հանդեպ վստահության և կախվածության նվազեցման առումով, որը պետք է իրագործվի գիտական, տեխնոլոգիական և արդյունաբերական ներուժի շարունակական զարգացման միջոցով։
Պաշտպանության նախարարությունը նաև հայտարարեց, որ Իրանի պաշտպանական արդյունաբերությունը պետք է ավելի զարգացած և հզոր դառնա՝ համապատասխան նոր կարիքներին ու սպառնալիքներին։