Արաղչի. ԱՄՆ-ի ձախողված քաղաքականության շարունակումը կհանգեցնի նոր ձախողումների
Իրանի արտաքին գործերի նախարար սեյեդ Աբբաս Արաղչին, արձագանքելով Իրանի դեմ ԱՄՆ-ի նոր սպառնալիքներին, հայտարարել է, որ ԱՄՆ-ի ձախողված քաղաքականությունը կրկին ձախողվելու է։
Ինչպես հաղորդում է Pars Today-ը՝ հղում անելով Tasnim գործակալությանը, Աբբաս Արաղչին, հինգշաբթի օրն արձագանքելով Իրանի դեմ ուղղված նոր տնտեսական սպառնալիքներին, X-ում գրել է. «Ձախողված քաղաքականության շարունակումը կհանգեցնի նոր ձախողումների և կառաջացնի իրանցիների թշնամանքը»։
Նա հավելել է. «Իրանի դեմ «տնտեսական գործողություն սկսելու» սպառնալիքն իրականում նպատակ ունի շեղելու ամերիկյան հասարակության ուշադրությունը երկրի ներքին ֆինանսական ճգնաժամերից՝ աննախադեպ ծավալների հասած պարտքից և ԱՄՆ-ում բանկային տոկոսադրույքների կտրուկ աճից»։
Արաղչին ընդգծել է. «ԱՄՆ-ի տնտեսական ահաբեկչությունը սպառնում է համաշխարհային տնտեսությանը և ամբողջ աշխարհում երկրների ազգային ինքնիշխանությանը»։
