Զարիֆ.-«Կաստրոն կարևորում էր իմպերիալիզմի դեմ պայքարը»
Երկուշաբթի օրը Թեհրանում, Կուբայի հեղափոխության առաջնորդ Ֆիդել Կաստրոյի հիշատակին նվիրված միջոցառման ընթացքւմ լրագրողների հետ հանդիպման ժամանակ, Իրանի արտգործնախարար Մոհամմեդ Ջավադ Զարիֆն անդրադարձել է Հավանայում Կաստրոյի հետ ունեցած իր վերջին հանդիպմանը և նշել է, որ վերջինս մտահոգում էր Կուբայի և երրորդ աշխարհի վիճակը:
Զարիֆը հավաստիացրել է, որ Ֆիդել Կաստրոն կարևորում էր իմպերիալիզմի դեմ պայքարում զարգացող երկրների համերաշխությունը և բռնապետների լծից ազատվելու փորձը:
Կաստրոյի մահվան կապակցությամբ ցավակցություն հայտնելով՝ Զարիֆը համբերություն է մաղթել Կուբայի ժողովրդին:
Անդրադառնալով Իրան-Կուբա բարեկամական հարաբերություններին, Իրանի արտգործնախարարն ընդգծել է, որ երկու երկիրը շարունակելու են համագործակցել երկկողմ, տարածաշրջանային ու միջազգային հարաբերությունների ոլորտում:
Լրագրողներին տված հարցազրույցում, Թեհրանում Կուբայի դեսպան՝ Վլադիմիր Անդրե Գոնզալես Կեսադան ասել է.-«Կուբան և ԻԻՀ-ը վճռակամ են հարաբերությունների երկկողմ ընդլայնման հարցում»:
