Ռոհանի. Հաշեմին հեղափոխության մեծապատիվ առաջնորդի կարող բազուկն էր
ԻԻՀ նախագահը ցավ է հայտնել Համակարգի նպատակահարմարությունը բնորոշող ժողովի նախագահ Այաթոլլահ Հաշեմի Ռաֆսանջանիի կորուստի կապակցությամբ և ասել է. «Հեղափոխության մեծապատիվ առաջնորդը մեծ հենարան կորցրեց»:
Կիրակի օրը կայացած կառավարության նիստում Ռոհանին ասել է. «Այաթոլլահ Հաշեմի Ռաֆսանջանին իրավամբ հեղափոխության մեծապատիվ առաջնորդի կարող բազուկն էր»:
ԻԻՀ նախագահը նշել է, որ Իրանին, հեղափոխությանն ու իսլամին Այաթոլլահ Հաշեմի Ռաֆսանջանիի մատուցած ծառայությունները նրա մեծարման հանդիսություններին ժողովրդի խուռներամ ներկայության հիմնական պատճառներից էին:
Հասան Ռոհանին կառավարության անդամներին և հանգուցյալ Այաթոլլահ Հաշեմի Ռաֆսանջանիի համակիրներին կոչ է արել ժողովրդին ծառայելու և հեղափոխության մեծապատիվ առաջնորդին հովանավորելու ուղղությամբ առավել ջանք գործադրելով, պաշտպանել նրա թողած ժառանգությունը:
Այաթոլլահ Հաշեմի Ռաֆսանջանիի դին անցած երեքշաբթի օրը ամփոփվեց ԻԻՀ մեծ հիմնադիր լուսահոգի Էմամ Խոմեյնու դամբարանում:
Իրանի Համակարգի նպատակահարմարությունը բնորոշող ժողովի նախագահը կիրակի գիշեր սրտի կաթվածից վախճանվեց Թեհրանի հիվանդանոցներից մեկում:
