Աստանայի նստաշրջանի սեմին Լավրովն ու Զարիֆը խորհրդակցություն են ունեցել
ԻԻՀ և ՌԴ ԱԳ նախարարներ Մոհամմեդ Ջավադ Զարիֆն ու Սերգեյ Լավրովը հեռախոսազրույցի ժամանակ քննարկել են Ղազախստանի մայրաքաղաք Աստանայում նախատեսված Սիրիայի խաղաղության բանակցությունների օրակարգը:
ԻՌՆԱ-ի հաղորդման համաձայն, Ռուսաստանի ԱԳ նախարարությունը հայտարարել է, որ երկուշաբթի օրը, ռուսական կողմի խնդրանքով տեղի ունեցած Զարիֆի ու Լավրովի հեռախոսազրույցի ժամանակ քննարկվել է Սիրիայի իրավիճակը:
Հայտարարված ծրագրի համաձայն, Սիրիայի կառավարության ու ընդդիմության միջև Աստանայի բանակցությունները տեղի կունենան հունվարի 23-ին` ՄԱԿ-ի պատվիրակության մասնակցությամբ:
Դեկտեմբերին 20-ին Մոսկվայում կայացած նիստի ընթացքում, Իրանի, Ռուսաստանի և Թուրքիայի ԱԳ նախարարները դրական գնահատեցին Սիրիայի ճգնաժամի քաղաքական կարգավորման ռազմավարության շրջանակում անցկացվելիք երկօրյա բանակցությունները :
Սիրիայի հետ թշնամի մի քանի երկրների հովանավորությունը վայելող զինված ահաբեկչական որոշ խմբերի խափանարարությունները ութ ամիս առաջվանից Ժնևյան բանակցությունների դադարեցման պատճառ են դարձել: Միևնույն ժամանակ նկատի առնելով այդ բանակցությունների վերսկսման համար ՄԱԿ-ի ջանքերի ձախողումը, ծրագրավորվել է Աստանայի նստաշրջանը:
