Մաշհադ քաղաքում տեղի է ունեցել 6 բալ ուժգնությամբ երկրաշարժ
Ապրիլ 05, 2017 11:56 Asia/Tehran
Ռիխտերի սանդղակով 6 բալ ուժգնությամբ երկրաշարժն այսօր ցնցել է Իրանի հյուսիս-արևելյան Խոռասան Ռազավի նահանգի կենտրոն Մաշհադ քաղաքը:
Երկրաշարժը տեղի է ունեցել առավոտյան ժամը 10:40-ին, Մաշհադի հարավ-արևելքում գտնվող Սեֆիդ Սանգ տարածքում: Երկրաշարժի էպիկենտրոնը գրանցվել է գետնի մակերեսից 10կմ խորության վրա: Երկրաշարժը զգացվել է նաև Մաշհադ քաղաքում ու դրան հաջորդել են մի քանի հետցնցումներ:
Փրկարարական ուժերը Մաշհադ քաղաքում պատրաստ դրության են բերվել:
Մինչ այս պահը երկրաշարժի պատճառած հավանական վնասների մասին որևէ տեղեկություն չի հաղորդվել:
Սեյսմիկ ցնցումների գրանցման կենտրոնի հաղորդման համաձայն` 6 բալ ուժգնությամբ երկրաշարժին հաջորդել են 3 և 4.7 բալ ուժգնությամբ ցնցումները:
Պիտակ
