«Սիրիայի վրա ԱՄՆ-ի հարձակումը բխում է ահաբեկիչների շահերից».Շամխանի
Իրանի ազգային անվտանգության գերագույն խորհրդի քարտուղարը Սիրիայի դեմ ԱՄՆ ռազմական ոտնձգությունը համարել է քաղաքական դաշտում Սիրիայի իշխանությունների հաղթանակի ապացույց և ահաբեկիչներին ոգեշնչման ուղղությամբ արված քայլ:
Սիրիայի ազգային անվտանգության կառույցի նախագահ ՝ գեներալ Ալի Մամլուքի հետ ունեցած հեռախոսազրույցում, Ալի Շամխանին կարևորել է Սիրիայի կառավարությանն ու ժողովրդին ԻԻՀ-ի կողմից ցուցաբերվող աջակցությունը : Շամխանին նաև նշել է , որ Իրանը սիրիացիներին սատարելու են նաև արտասահմանից հովանավորվող ահաբեկիչների կործանման և անվտանգության հաստատման հարցում:
«Միջազգային փաստահավաք խումբ կյանքի կոչվելու դեպքում, ԱՄՆ-ի համար միջազգային անվտանգության դեմ ուղղված նոր խայտառակ փաստեր են ջրի երես դուրս գալու»-հավաստել է Շամխանին:
Իրանի ազգային անվտանգության գերագույն խորհրդի քարտուղարի ասածով, Իրանը, Ռուսաստանը և Սիրիան համատեղ համագործակցության մեծ ցանկություն ունեն և Հալեպի ազատագրումը և բնակիչների քաղաք վերադարձն արդյունքն էր այդ համագործակցության:
Գեներալ Ալի Մամլուքը բարձր է գնահատել ահաբեկչական խմբավորումների ու նրանց աջակիցների դեմ Սիրիայի ժողովրդի դիմադրությանը ցուցաբերվող Իրանի աջակցությունը:
