ԻԻՀ ԱԳ նախարարն Իսլամաբադում խորհրդակցություն է անցկացրեր Պակիստանի ՆԳ նախարարի հետ
ԻԻՀ ԱԳ նախարարն Իսլամաբադում հանդիպել է Պակիստանի ՆԳ նախարար Չուդրի Նեսար Ալիխանի հետ: Կողմերը զրուցել են տարբեր, այդ թվում նաև անվտանգության հետ կապված հարցերի շուրջ:
Մոհամմեդ Ջավադ Զարիֆը, ով Իրանի հետ Պակիստանի սահմանի մերձակայքում իրականացված ահաբեկչական հարձակման հարցին հետամուտ լինելու նպատակով մեկնել է Իսլամաբադ, չորեքշաբթի օրը հանդիպել է Պակիստանի ՆԳ նախարար Չուդրի Նեսար Ալիխանին: Կողմերը զրուցել են երկու երկրի սահմանային համագործակցությունների ամրապնդման և ահաբեկչության դեմ պայքարի ուղիների շուրջ:
Հանդիպման ժամանակ կողմերն ընդգծել են սահմաններին անվտանգության ամրապնդման և ահաբեկչական խմբերի ներթափանցման ճանապարհները փակելու անհրաժեշտությունը:
Իրանի սահմանապահ ուժերի 9 անդամներ ապրիլի 26-ին, Իրանի Սիսթան և Բալուչեսթան նահանգի Միր Ջավեի տարածքում պարեկություն կատարելիս նահատակվեցին, իսկ վիրավորված սահմանապահներից մեկին ահաբեկիչներն իրենց հետ տարան Պակիստան:
Ահաբեկչական հարձակման պատասխանատվությունն իր վրա է վերցրել «Ջեյշ-օլ-Զոլմ» ահաբեկչական-թաքֆիրական խմբակը:
ԻԻՀ ԱԳ նախարարը մի պատվիրակության ընկերակցությամբ չորեքշաբթի օրը ժամանել է Իսլամաբադ:
