Իրանը քննադատեց ԱՄՆ-ի դատական վճիռները հաստատող Կանադայի դատարանի քայլը
ԻԻՀ ԱԳ նախարարության խոսնակը հայտարարել է, որ ԱՄՆ-ի դատարանների արձակած վճիռները հաստատող Կանադայի դատարանի քայլը նման դատերում միջազգային ընթացակարգին հակառակ և մերժված են:
Կանադայի վճռաբեկ դատարանը վերջին օրերին Իրանի դեմ անհիմն մեղադրանքներ հարուցելով, Թեհրանին դատապարտեց մեկ միլիարդ 700 միլիոն դոլար հատուցման վճարման:
Նկատի առնելով ԱՄՆ-ում գոյություն ունեցող իրանական գույքի սահմանափակությունը, ամերիկացիները Կանադայի միջոցով դատ են հարուցել Իրանի դեմ, որպեսզի առգրավեն Կանադայում գոյություն ունեցող ԻԻՀ գույքն ու բանկային հաշիվներում պահվող ակտիվները:
ԻԻՀ ԱԳ նախարարության խոսնակ Բահրամ Ղասեմին երեքշաբթի գիշեր ասաց. «Արտասահմանյան մեկ այլ պետության դեմ վճիռ արձակելը հակասում է պետությունների իրավահավասարության սկզբունքին և ոտնահարում է միջազգային իրավունքով նախատեսված անձեռնմխելիությունը»:
«Հստակ է, որ մի կողմ թողած Կանադայում իշխանությունների ներքին բաժանումներն այդ երկրի կառավարությունը պատասխանատվություն է կրում իշխանության տարբեր բաժինների կողմից միջազգային իրավունքին հակասող այդ քայլի պատճառած ֆինանսական ու բարոյական ցանկացած վնասի դիմաց»,-հայտարարեց ԻԻՀ ԱԳ նախարարության խոսնակն ընդգծելով, որ Իրանն իրեն է վերապահում այդ վճիռը բողոքարկելու իրավունքը:
