Իրանի նախագահի հանդիպումը Ղազախստանի և Ուզբեկստանի նախագահների հետ
Գիտության ու տեխնոլոգիայի ոլորտում իսլամական երկրների վեհաժողովի շրջանակում, ԻԻՀ նախագահը հանդիպում և զրույց է ունեցել Ղազախստանի և Ուզբեկստանի նախագահների հետ:
Կիրակի օրը, Նուրսոլթան Նազարբաևի հետ հանդիպման ժամանակ, նշելով որ Ղազախստանը կարևոր պետություն է տարածաշրջանում և Իսլամական համագործակցության կազմակերպությունում, Հասան Ռոհանին հավաստիացրել է, որ անցած 25 տարիների ընթացքում աճ են արձանագրել Թեհրան-Աստանա հարաբերությունները և Իրանը հովանավորում է երկկողմ համագործակցությունների ընդլայնումը:
Կարևորելով Ռոհանիի ներկայությունն այդ վեհաժողովում, Նուրսոլթան Նազարբաևն ասել է.«Չնայած շրջափակումներին, Իրանը մեծ առաջադիմություն է արձանագրել և իր երկիրը առավել քան երբևէ պատրաստ է Իրանի հետ ընդլայնել համագործակցությունները»:
Ուզբեկստանի նախագահ Շավքաթ Միրզիյաևի հետ հանդիպման ժամանակ, արձագանքելով հատկապես առևտրատնտեսական ոլորտներում Թեհրան-Տաշկենտ հարաբերությունների ընդլայնումը, ԻԻՀ նախագահը հավաստիացրել է, որ ոչ մի արգելք չկա Իրան-Ուզբեկստան հարաբերությունների ընդլայնման ճանապարհին:
Անդրադառնալով Իրաքում և Սիրիայում ահաբեկիչների կրած պարտությանը, Ռոհանին ասել է.«Ծայրահեղականությունն ու ահաբեկչությունը սպառնում է ողջ տարածաշրջանին և Իրանը պատրաստ է այդ երևույթի դեմ պայքարի ուղղությամբ համագործակցել Միջին Ասիայի երկրների հետ»:
Հանդիպման ժամանակ Ուզբեկստանի նախագահը պատրաստակամություն է հայտնել հետաքրքրող ոլորտներում առավել քան երբևէ ընդլայնել Թեհրանի հետ հարաբերությունները:
