Թեհրանում կայացել է Սալեհի-Ամանո հանդիպումը
Թեհրանում կայացել է Իրանի ատոմային էներգիայի կազմակերպության ղեկավարի և ՄԱԳԱՏԷ-ի գլխավոր տնօրենի հանդիպումը:
Կիրակի հոկտեմբերի 29-ին կայացած Ալի Աքբար Սալեհիի և Յուկիա Ամանոյի հանդիպմանը քննարկվել են երկկողմ համագործակցության, ՀԳՀԾ-ին առնչվող և համաձայնագրի անվտանգության ու պրոտոկոլային հարցեր: Այդ մասին հաղորդել է Իրանի ռադիո-հեռուստատեսության լուրերի ծառայությունը:
Ավելի վաղ՝ այն մասին, որ ՄԱԳԱՏԷ-ի գլխավոր տնօրեն Յուկիա Ամանոն հող է նախապատրաստում Իրանի ռազմական օբյեկտներ այցելելու և ԱՄՆ-ի անօրինական պահանջները բավարարելու համար, Իրանի ատոմային էներգիայի կազմակերպության խոսնակ Բեհրուզ Քեմալվանդին ասել է.«Իրանի ռազմական օբյեկտների ստուգման գործը մեկընդմիշտ փակվել է: Դա հաստատվել է նաև ՄԱԳԱՏԷ-ի Վճռադատ խորհրդի կողմից»:
Ատոմային էներգիայի միջազգային գործակալությունը հրապարակել է ութ զեկույց, որտեղ հաստատվել է միջուկային համաձայնությանն Իրանի հավատարմությունը:
Շաբաթ՝ հոկտեմբերի 28-ի երեկոյան Յուկիա Ամանոն Թեհրան է այցելել:
