Զարիֆ. Թրամփն այլ երկրներին սպառնալով թուլացնում է ժողովրդավարությունը
ԻԻՀ ԱԳ նախարարը չորեքշաբթի գիշեր քննադատելով Ղոդսի կապակցությամբ ՄԱԿ-ում կատարվելիք քվեարկության հանդեպ ԱՄՆ-ի դիրքորոշումը նշեց. «Վաշինգտոնը մնացել է «Կամ մեզ հետ, կամ մեր դեմ» մակարդակում»:
«Ֆարս» լրատվական գործակալության հաղորդման համաձայն, Մոհամմեդ Ջավադ Զարիֆը թուիթերում կատարած գրառման մեջ հավելել է. «ԱՄՆ նախագահ Դոնալդ Թրամփը սպառնալով նրանց ովքեր համարձակվում են դիմակայել իր որոշմանն ապացուցել է, որ կանխում է աշխարհում ժողովրդավարության իրագործումը»:
ԱՄՆ նախագահը չորեքշաբթի գիշեր սպառնալիք հնչեցրեց այն երկրների հասցեին, որոնք պատրաստվում են քայլեր ձեռնարկել Ղոդսի կապակցությամբ Վաշինգտոնի որոշման դեմ:
«Վաշինգտոնը կդադարեցնի ֆինանսական օժանդակություններն այն երկրներին, որոնք ՄԱԿ-ի ԳԱ-ում դեմ քվեարկեն Ղոդսի մասին Վաշինգտոնի որոշմանը«-հայտարարեց Թրամփը:
«Մենք հետևում ենք քվեարկությանը»,-ընդգծեց Թրամփը:
ՄԱԿ-ի ԳԱ-ն հինգշաբթի օրը Ղոդսի հարցով նիստ է գումարելու:
Նիստը գումարվելու է նրանից հետո, երբ ԱՄՆ-ն վետո դրեց Ղոդսի մասին Եգիպտոսի կողմից ԱԽ-ին առաջարկված բանաձևի վրա:
ԱՄՆ-ն երկուշաբթի գիշեր անտեսելով Ղոդսի կապակցությամբ Եգիպտոսի առաջարկած բանաձևին ՄԱԿ-ի ԱԽ-ի մյուս 14 անդամների կողմ ձայները, վետո դրեց դրա վրա:
