Ֆրանսիայի ԱԳ նախարարը կժամանի Թեհրան
Կիրակի երեկոյան Ֆրանսիայի ԱԳ նախարար Ժան Իվ Լե Դրիանը կիրակի երեկոյան Թեհրան է ժամանելու ՝ Իրանի պետայրերի հետ բանակցելու նպատակով: Տեղեկացրել է ԻԻՀ ԱԳ նախարարության խոսնակը:
Բահրամ Ղասեմին ավելացրել է.«Իրան կատարվելիք երկօրյա այցի ընթացքում, Ֆրանսիայի ԱԳ նախարարը հանդիպումներ է ունենալու ԻԻՀ նախագահ Հասան Ռոհանիի և ԻԻՀ ԱԳ նախարար Մոհամմեդ Ջավադ Զարիֆի հետ: Հանդիպումներին քննարկվելու են երկկողմ, տարածաշրջանային ու միջազգային մասշտաբի հարցեր»:
Ավելի վաղ, Թեհրանում Ֆրանսիայի դեսպանատունը հայտարարել էր, որ Ժան Իվ Լե Դրիանը մասնակցելու է մարտի 5-ից 8-ը Իրանի ազգային թանգարանում կայանալիք «Լուվրը Թեհրանում» ցուցահանդեսի բացման արարողությանը:
Ֆրանսական ԶԼՄ-ները հաղորդել են, որ այդ երկրի ԱԳ նախարարի այցի օրակարգում է Ֆրանսիայի նախագահ Էմանուել Մակրոնի Իրան կատարվելիք այցի նախապատրաստումը:
