Իրանի ատոմային էներգիայի կազմակերպության տնօրեն. ԱՄՆ-ն սխալ քաղաքականություն է վարում
Իրանի ատոմային էներգիայի կազմակերպության տնօրենն ընդգծել է, որ ԱՄՆ-ի կառավարության վարած քաղաքականությունն ու «զրոյական հարստացում» հարցի առաջ քաշվելը սխալ են ու նախկինում թույլ տրված սխալների կրկնությունը:
Ալի Աքբար Սալեհին ուրբաթ օրը Նորվեգիայում գումարված «Օսլո Ֆորում» նստաշրջանում անդրադառնալով Իրանի կողմից ուրանի հարստացման դադարեցման ուղղությամբ ԱՄՆ-ի գործադրած ջանքերին, ընդգծել է. «ՀԳՀԾ-ի բանակցությունները սկսվեցին այդ քաղաքականությունից հրաժարվելով ու ԱՄՆ-ի ընթացակարգում փոփոխություններ մտցվելով»:
Իրանի ատոմային էներգիայի կազմակերպության տնօրենն անդրադարձել է ԱՄՆ-ի անհիմն ու ոչ-տրամաբանական որոշումների հանդեպ միջազգային հանրության կոշտ արձագանքին, հավելելով. «Եթե ԵՄ-ն ու ՀԳՀԾ-ն պաշտպանող այլ երկրներ անհրաժեշտ ժամկետներում ԱՄՆ-ի քաղաքականությունների հետ իրենց գործնական հակառակությունը չիրագործեն, աշխարհն ու տարածաշրջանը անհանդարտության ու անկարգության ականատես կլինի»:
Նիստի ժամանակ Սալեհին ընդգծել է գլխավոր դերակատարների միջև տարածաշրջանային երկխոսության անհրաժեշտությունը, տեղեկացնելով փոխադարձ հասկացողության և տարածաշրջանային ճգնաժամերը երկխոսությամբ կարգավորելու ուղղությամբ Իրանի պատրաստակամությունը:
Սալեհին «Օսլո Ֆորում»-ի նստաշրջանին մասնակցելու նպատակով, երկուշաբթի օրը գլխավորելով մի պատվիրակություն, ժամանել է Նորվեգիա:
