Խարազի. Եթե Եվրոպան չպահպանի ՀԳՀԾ-ն, ապա Իրանը պատճառ չունի մնալ համաձայնությունում
Իրանի արտաքին հարաբերությունների ռազմավարական խորհրդի նախագահն ընդգծել է. «Չնայած ՀԳՀԾ-ից ԱՄՆ դուրս գալուն, իրանցի առևտրականների ու տնտեսական ակտիվիստների համար կան ուղիներ՝ ԱՄՆ-ի տնտեսական պատժամիջոցները շրջանցելու համար»:
Սեյեդ Քամալ Խարազին, որը քաղաքական պատվիրակության հետ մեկնել է Իսպանիա, EFE- նին տված հարցազրույցում, ասել է, որ Միացյալ Նահանգների բոյկոտի ընթացքում Իրանի Իսլամական Հանրապետությունը կարողացավ հաղթահարել խնդիրները: Նա հավելել է. «Եթե Եվրոպան քայլեր չձեռնարկի ՀԳՀԾ-ն պահպանելու համար, ոչ մի պատճառ չկա, որ Իրանը շարունակի մնալ այդ համաձայնության մեջ: Միջուկային գործարքի լիովին չեղարկումը Եվրոպայի օգտին չէ:
Իրանի արտաքին հարաբերությունների ռազմավարական խորհրդի նախագահն ընդգծել է նաև եվրոպական կառավարությունների, այդ թվում՝ Իսպանիայի կառավարության աջակցությունն այն ընկերություններին, որոնք մտադիր են ներդրումներ կատարել և պահպանել իրենց պարտավորություններն իրանական շուկայում:
Խարազին ասել է որ ԱՄՆ-ի որոշ դաշնակիցներ չեն հարգում Դոնալդ Թրամփին: Նա հավելել է.«Աշխարհը ներկայումս ԱՄՆ-ի նախագահի անտրամաբանական որոշումների պատճառով պատանդ է դարձել»:
