Չինաստանի առևտրի նախարարությունը կարևորել է Իրանի հետ հարաբերությունների զարգացումը
Չինաստանի առևտրի նախարարությունը կարևորել է ԻԻՀ-ի հետ այդ երկրի տնտեսական հարաբերությունների զարգացումը:
Ինչպես ԻՌՆԱ գործակալությունն է հաղորդել, Չինաստանի առևտրի նախարարությունը հաղորդագրություն է տարածել, որում հայտարարել է, որ ինչպես անցյալում շարունակելու է Իրանի Իսլամական Հանրապետության հետ իր առևտրա-տնտեսական հարաբերությունները և Համատեղ գործողությունների համապարփակ ծրագրից ԱՄՆ-ի հրաժարվելու փաստը չի ազդելու երկու երկրի տնտեսական հարաբերությունների վրա:
Հաղորդագրությունում նշված է. «Չինաստանը դեմ է ցանկացած երկրի դեմ ուղղված ԱՄՆ-ի տնտեսական միակողմանիությանը: ԱՄՆ-ի ներքին օրենքները Չինաստանի համար կարևոր չեն և Պեկինը դեմ է ՀԳՀԾ-ից ԱՄՆ-ի դուրս գալուն և Իրանի դեմ այդ երկրի հավանական միակողմանի քայլերին»:
Ավելի վաղ ԱՄՆ-ը դուրս էր եկել նաև բնակլիմայական փոփոխությունների և Տրանսպասիֆիկյան դաշինքներից:
