Ռոհանին ՀԳՀԾ-ի հարցով ուղերձ է հղել Ուգանդայի հանրապետության նախագահին
ԻԻՀ նախագահի հատուկ ներկայացուցիչ Մորթեզա Սարմադին Ուգանդայի հանրապետության նախագահի հետ հանդիպման ժամանակ, նրան է փոխանցել Համատեղ գործողությունների համապարփակ ծրագրի(ՀԳՀԾ) վերաբերյալ նախագահ Ռոհանիի ուղերձը: Այս մասին հաղորդել է ԻՌՆԱ լրատվական գործակալությունը:
Իրանի նախագահի հատուկ ներկայացուցիչ և արտաքին գործերի նախարարի տեղակալ Մորթեզա Սարմադին, լուսաբանելով ԱՄՆ-ի միակողմանի քայլերը և համաշխարհային խաղաղության ու անվտանգության դեմ ուղղված դրանց բացասական հետևանքները, անկախ երկրներին կոչ է արել միասնական դիրքորոշում որդեգրել այդ անտրամաբանական քաղաքականություններին ու քայլերին դիմակայելու համար:
Նշելով ,որ ՀԳՀԾ-ից դուրս գալու ԱՄՆ նախագահի Դոնալդ Թրամփի քայլերը հակադրվում են միջազգային պարտավորություններին, Մորթեզա Սարմադին հույս է հայտնել, որ միջուկային համաձայնագիրը ստորագրած մյուս երկրներն առաջարկությունների համապարփակ ու ամբողջական փաթեթ ներկայացնելով կկարողանան անհրաժեշտ վստահություն փոխանցել Իրանին՝ այդ պայմանագրի արդյունավետ լինելու և ՀԳՀԾ-ով նախատեսված տնտեսական արտոնությունները վերապահելու կապակցությամբ:
Ուգանդայի հանրապետության նախագահ Յովերի Մուսևենին այդ հանդիպման ժամանակ նշել է. «Ուգանդան ավելի վաղ ևս ողջունել ու հովանավորել է ՀԳՀԾ-ն: Ես հուսով եմ, որ միջուկային համաձայնագրի պահպանմանն ուղղված տարբեր կողմերի ջանքերը կարդյունավորվեն»:
