Իրանական նավթատար նավի կալանավորումը՝ Բրիտանիայի խաղն է ԱՄՆ-ի դաշտում
Բրիտանիայի ծովուժը Ջիբրալթարի նեղուցում կանգնեցրել է իրանական նավթատար նավ և պնդում է, որ այն նավթ էր տեղափոխում Սիրիա:
Բրիտանական աղբյուրները հինգշաբթի օրը հայտարարել են, որ իրանական նավթատար նավը խախտել է թե՛ ԱՄՆ-ի և թե՛ Եվրամիության կողմից 2011 թվականին Սիրիայի դեմ սահմանված պատժամիջոցները:
Անկախ այն բանից, թե ծովային օրինական ճանապարհին գտնվող իրանական նավթատար նավը որ ուղղությամբ էր շարժվում, նավը կալանավորելու Բրիտանիայի ծովուժի քայլը նշանակում է գողություն կամ ծովահենություն:
ԱՄՆ-ի կառավարության պահանջով իրանական նավթատար նավը կալանավորելու Բրիտանիայի ծովուժի կամայական քայլը կհանգեցնի վտանգավոր հետևանքների:
Հինգշաբթի երեկոյան, անդրադառնալով Ջիբրալթարի նեղուցում Բրիտանիայի ծովուժի կողմից իրանական նավթատար նավի կալանավորմանը, ԻԻՀ ԱԳՆ խոսնակ Սեյեդ Աբբաս Մուսավին հայտարարել է.«Իրանական նավթատար նավի կալանավորումն անօրինական, լարվածություն առաջացնող և վտանգավոր քայլ է»:
Արտատարծաշրջանային պատժամիջոցների սահմանումն անօրինական անօրինական քայլ է, որ Միացյալ Նահանգները կիրառել է Իրանի նկատմամբ և Ջիբրալթարում իրանական նավթատարի կալանավորումը ցույց է տալիս, որ Բրիտանիան հետևում է այդ ավերիչ քաղաքականությանը:
ԱՄՆ-ն 2018 թվականի մայիսի 8-ին ՀԳՀԾ-ից դուրս գալուց հետո վերականգնեց հակաիրանական պատժամիջոցները և այլ երկրներին ևս սպառնալով պարտադրեց, որպեսզի նրանք էլ կիրառեն այդ պատժամիջոցները:
Բրիտանիայի այդ քայլը հաստատում է ԱՄՆ-ի արտատարածաշրջանային պատժամիջոցների կիրառումը, որին մինչդեռ ավելի վաղ Եվրամիությունը մշտապես դեմ է եղել: Ավերիչ ու միակողմանի քայլերի հաստատումը ոչնչով չի կարող օգնել օրենքի իշխանությանը և միայն կհանգեցնի լարվածության սրմանը:
Բրիտանիայի ծովուժի կողմից իրանական նավթատար նավի կալանավորումը և Լոնդոնի կառավարության կողմից այդ ծովահենությանը ցուցաբերվող աջակցությունը, հերթական անգամ ապացուցեց, որ Եվրոպան թույլ է ԱՄՆ-ի դիմաց և չի կարող անկախ որոշում կայացնել:
Բացի այդ, իրանական նավթի առևտրի գործընթացը չի համապատասխանում ՀԳՀԾ-ի շրջանակում Իրանի տնտեսական արտոնությունները երաշխավորելու մասին եվրոպացիների հայտարարած քաղաքականությանը:
ՀԳՀԾ-ի համաձայն, Իրանը պետք է կարողանա իր նավթն անարգելք վաճառել և դրա դիմաց ստանալիք գումարը ներկրել երկիր: Այդ ցիկլի երաշխավորմամբ իմաստ կստանա Իրանի հետ Եվրոպայի առևտրի մեխանիզմը՝INSTEX-ը:
Ինչպես ԻԻՀ նախագահ Հասան Ռոհանին է չորեքշաբթի օրը կառավարության կազմի նիստում ասել .«Սնամեջ INSTEX-ը ոչ մի բանի պետք չէ և եվրոպացիները պետք է երաշխավորեն, որ իրանական նավթի վաճառքի դիմաց ստանալիք գումարը կփոխանցեն Իրանին»:
Այս օրերին երբ Եվրոպան կանգնած է INSTEX-ի ստվերի տակ, և աջակցում է Համատեղ գործողությունների համապարփակ ծրագրին, ծովային օրինական ճանապարհին գտնվող իրանական նավթատար նավը կալանավորելու Բրիտանիայի անօրինական քայլն այլ իմաստ ունի:
