ՄԱԿ. Գեներալ Սուլեյմանիի սպանությունը միջազգային նորմերի խախտում էր
2020 թվականի հունվարի 3-ին ԱՄՆ նախագահ Դոնալդ Թրամփի հրամանով, Բաղդադի օդանավակայանում, սպանվեցին ԻՀՊԿ Ղոդս ստորաբաժանման հրամանատար Ղասեմ Սուլեյմանիին և նրա զինակիցները:
Երեքշաբթի օրը, ՄԱԿ-ի զեկուցող Ագնես Կալամարդը հայտարարել է, որ ԻՀՊԿ Ղոդս ստորաբաժանաման հրամանատար գեներալ Սուլեյմանիի սպանությունը միջազգային նորմերի խախտում էր: Նա հավելել է, որ Սուլեյմանիի սպանությունը սխալ ուղղությամբ արված քայլ էր, որը կարող է հանգեցնել աղետի:
Կալամարդն ասել է, որ Ղասեմ Սուլեյմանիի սպանությամբ, խսխտվել են որևե կառավարության կողմից արտատարածքային ռազմական ուժի օգտագործման չափանիշները: Սպանվել է պետական պաշտոնյա, ինչն աննախադեպ իրադարձություն է: Սա միջազգային նորմերի և կանոնների կոպիտ խախտում էր:
Ղասեմ Սուլեյմանին, ով հունվարի 3-ին Իրաքի պաշտոնյաների հարավերով այցելել էր այդ երկիր, իրաքյան Հաշդ ալ-Շաբի ժողովրդական աշխարհազորային ուժերի փոխհրամանատար Աբու Մեհդի ալ Մուհանդեսի և 8 զինակիցների հետ միասին նահատակվեց Բաղդադի օդանավակայանի մերձակայքում ամերիկացի ահաբեկիչների օդային հարձակման հետևանքով: Ըստ Պենտագոնի հայտարարության, օդային հարվածի հրամանը տվել էր անձամբ Դոնալդ Թրամփը:
Գեներալ Սուլեյմանի սպանության համար Թրամփի արդարացումը եղել է այն, որ վերջինս նպատակ ուներ հարձակումներ իրականացնել Իրաքում և տարածաշրջանի մի շարք երկրներում տեղակայված ամերիկյան դեսպանատների դեմ: Իրաքի բարձրաստիճան պաշտոնյաները հերքել են այդ հայտարարությունը:
Իրաքի ժամանակավոր վարչապետ Ադել Աբդուլ Մահդին, հունվարի 5-ին հայտարարել է, որ գեներալ Սուլեյմանին ժամանել էր Բաղդադ՝ Սաուդյան Արաբիայի կողմից Իրանին ուղղված նամակի պատասխանը փոխանցելու նատակով: ԱՄՆ Պաշտպանության նախարար Մարկ Էսպերը հունվարի 12-ը հերքել է Թրամփի պնդումը, թե գեներալ Սուլեյմանին նպատակ ուներ Իրաքում ու մի շարք այլ երկրներում, հարձակումներ իրականացնել ԱՄՆ-ի դեսպանատների դեմ: Նա հայտարարեց, որ Թրամփը հստակ ապացույցներ չի ներկայացրել այն մասին, որ Իրանը ծրագրել էր հարձակումներ իրականացնել ԱՄՆ-ի չորս դեսպանատների դեմ: Իրականությունն այն է, որ Թրամփի ռազմական և անվտանգության հարցերով խորհրդականների տեսակետից՝ գեներալ Սուլեյմանիի և Աբու Մահդի ալ-Մուհանդեսի ներկայությունը Բաղդադում ՝ որպես երկու կարևորագույն հրամանատարներ, լավ առիթ էր, որը չէր կարելի բաց թողնել:
Եվ հիմա արդեն, ՄԱԿ-ի հատուկ զեկուցողի դիրքորոշումը հայտարարվելուց հետո, կասկած չկա, որ Թրամփը և նրա վարչակազմը խախտել են միջազգային իրավունքը և Վաշինգտոնը չի հարգում միջազգային օրենքներն ու նորմերը:
Հատկանշական է, որ Վաշինգտոնը բազմիցս պնդել է, որ Իրանը խախտել է միջազգային օրենսդրությունը և ՄԱԿ-ի Անվտանգության խորհրդի բանաձևերը:
