FATF-ը սև ցուցակում է ներառել Իրանի անունը
Փետրվարի 21-ին Ֆինանսական գործողությունների աշխատանքային խումբը (FATF) սև ցուցակում է ներառել Իրանի Իսլամական Հանրապետության անունը:
Ռոյտերս լրատվական գործակալության հաղորդման համաձայն, Փարիզում տեղակայված այս կազմակերպության որոշումը կայացվել է եվրոպական երկրների կանաչ ազդանշանով՝ ԱՄՆ-ի հակաիրանական արշավին միանալու շրջանակներում:
Իր հայտարարության մեջ Ֆինանսական գործողությունների աշխատանքային խումբը նշում է, որ Իրանի դեմ ուղղված միջոցառումները հետադարձելի են, և որ համապատասխան օրինագծերի հաստատումից հետո, Թեհրանը կարող է դուրս գալ ցուցակից:
Ռոյտերս լրատվական գործակալությանը տված հարցազրույցում, եվրոպացի դիվանագետը հայտնել է, որ Իրանին սև ցուցակում ընդգրկելը, Թեհրանի առջև չի փակել բոլոր դռները:
Ֆինանսական գործողությունների հարցերով աշխատանքային խումբը ստեղծվել է Փարիզում, 2008 թվականին ՝ G7 երկրների պետությունների ղեկավարների որոշմամբ և փողերի լվացման դեմ պայքարի առաքելությամբ:
Թրամփի վարչակազմի բարձրաստիճան պաշտոնյաները Իրանին բազմիցս կոչ են արել միանալ FATA- ին:
ԱՄՆ պետքարտուղար Մայք Պոմպեոն, փետրվարի 12-ին Իրանին կոչ արեց միանալ ահաբեկչության ֆինանսավորման Պալերմոյի կոնվենցիային: Պոմպեոն գոհ է Ֆինանսական գործողությունների աշխատանքային խմբի կողմից հակաիրանական գործողությունից:
Ուրբաթ օրը Պոմպեոն հայտարարել է. «Իրանի կառավարությունը պետք է բախվի միջազգային նորմերին չհետևելու, մասնավորապես՝ Պալերմոյի և Ահաբեկչության ֆինանսավորման մասին կոնվենցիան չհաստատելու հետևանքներին: FATA սև ցուցակում Իրանի ընդգրկվելու վերաբերյալ ԱՄՆ բարձրաստիճան պաշտոնյաների դրական դիրքորոշումը, ցույց է տալիս, որ Վաշինգտոնն այս խումբն ընկալում է որպես գործիք՝ պատժամիջոցների արդյունավետ կիրառման համար:
Իրանը «Ֆինանսական գործողության» աշխատանքային խմբի այս որոշումը համարում է զուտ քաղաքական քայլ:
Իրանի արտգործնախարարության խոսնակ Սեյեդ Աբբաս Մուսավին հայտարարել է, որ Թեհրանն արդեն ավելի ան երկու տարի, գործադրել է փողերի լվացման և ահաբեկչության ֆինանսավորման հետ կապված բոլոր օրենքներն ու կանոնակարգերը: Նա հավելել է, որ Սաուդյան Արաբիան, որպես ահաբեկչության կենտրոնական բանկ և Սիոնիստական ռեժիմը որպես ահաբեկչական կառավարություն, մեծ աջակցությունեն ցուցաբերում ահաբեկչական խմբավորումներին և կազմակերպություններին ամբողջ աշխարհում: Բայց Իրանը որ այս ոլորտում թափանցիկ գործունեություն է ծավալում, ներառվել է սև ցուցակում:
