Մեկնաբանություն- Զգուշացում՝ Միացյալ Նահանգներում բռնության և ռասիզմի աճող վտանգի կապակցությամբ

ԱՄՆ անվտանգության բարձրաստիճան պաշտոնյաները հայտարարել են, որ  բռնությունն ու ռասիզմն ավելի վտանգավոր են Միացյալ Նահանգների համար, քան ծայրահեղական խմբավորումների, այդ թվում ԻԼԻՊ-ի կողմից  իրականացվող ահաբեկչական հարձակումները: Հիշյալ  պաշտոնյաները Կոնգրեսին ուղղված նամակում նշել են.-«Բռնությունն ու ռասիզմը աճում են Միացյալ Նահանգներում և աստիճանաբար դարձել են շատ ավելի վտանգավոր խնդիր, քան ԻԼԻՊ-ը»:

ԱՄՆ անվտանգության աշխատակից Թիմոթի Լանգանն ասել է.-«Մենք ամենից շատ մտահոգված ենք ռասիստական ​​դրդապատճառներով ներքին ծայրահեղականներով»:

ԱՄՆ Հետաքննությունների դաշնային բյուրոն (ՀԴԲ) վերջերս հայտարարել է, որ ռասիստական ​​խմբավորումների սպառնալիքը ծայրահեղական խմբավորումների, այդ թվում ԻԼԻՊ-ի սպառնալիքի մակարդակում է: Անվտանգության հիշյալ  կառույցը մի զեկույցում, անդրադառնալով ռասիստական դրդապատճառներով բռնի հարձակումների աճին,ընդգծել է.«Եթե ​​ԱՄՆ կառավարությունը որքան հնարավոր է  անհապաղ մի ելք չգտնի այս  խնդրի համար,  ապա ռասիզմը ոչ հեռու ապագայում մեծ սպառնալիք կդառնա ամերիկյան հասարակության համար։

Վերջին տարիներին, հատկապես Դոնալդ Թրամփի նախագահության օրոք, նրա աջակողմյան և ռասիստական ​​հայացքների պատճառով, ռասայական բռնությունը Միացյալ Նահանգներում տարածվել է: Թրամփը եղել է սպիտակամորթների գերակայության շարժումների ամենամեծ աջակիցներից մեկը՝ բազմիցս քննադատելով հակառասիստական ​​շարժումները, ներառյալ «Սևամորթների կյանքը կարևոր է» շարժումը:Թրամփը վերջին հարյուրամյակում ԱՄՆ-ի միակ նախագահն է, ով բացահայտորեն չի դատապարտել ռասիզմը։

 Ի դեպ աջ ծայրահեղական խմբավորումների դերն ավելի ու ավելի է ընդգծվում ԱՄՆ ներքին քաղաքականության մեջ, և ակնկալվում է, որ այդ խմբերը կուժեղացնեն բռնությունը ոչ միայն էթնիկ և ռասայական փոքրամասնությունների նկատմամբ, ինչպիսիք են սևամորթները և լատինաամերիկացիները, այլև առավել քան երբևէ հարձակման թիրախ կդարձնեն կրոնական փոքրամասնություններին, այդ թվում մուսուլմաններին:

Աջ ծայրահեղական խմբերը, իրենց քաղաքական մոտեցմանը համահունչ, ցանկանում են միջամտել ԱՄՆ-ի ներքին քաղաքականությանը: Սա ամերիկյան քաղաքականության մեջ հանգեցրեց բռնի իրադարձությունների, ինչպիսին  տեղի ունեցավ 2021 թվականի հունվարի 6-ին,երբ  ծայրահեղական Թրամփի կողմնակիցները ներխուժեցին  Կոնգրես՝ դեմ գնալու 2020 թվականի նախագահական ընտրությունների արդյունքներին  և դեմոկրատ Ջո Բայդենի հաղթանակին:

Միացյալ Նահանգներում ծայրահեղ աջակողմյան խմբերի արմատները  վերադառնում են տասնամյակներ առաջվա իրադարձություններին, և Միացյալ Նահանգներում մի շարք բողոքող խմբեր ու անձինք մինչ այժմ  բազմաթիվ ահաբեկչական  ակտեր են իրականացրել:

Ծայրահեղ աջակողմյան շարժումներում ու խմբերում  ընդգրկված են նահանգային իշխանության կողմնակիցներ, Դաշնային կառավարության քաղաքականությունների ընդդիմադիրներ , ռասիստական խմբեր, կրոնական ու էթնիկ փոքրամասնությունների ընդդիմադիրներ, դավադրության տեսության կողմնակիցներ, հակամիգրացիոն հայացքներ ունեցող անձինք,որոնք ԱՄՆ-ում ձգտում են  սպիտակամորթների գերակայությանը:  

Ծայրահեղ աջերի տարածման գործում մեծ դեր են խաղացել նաև սոցիալական ցանցերը։ Ներկայումս ԱՄՆ-ում բացահայտվել են ավելի քան 1600 աջ ծայրահեղական խմբավորումներ: Միևնույն ժամանակ, չլուծված խնդիր է դարձել ԱՄՆ-ում զինված բռնության հարցը, որը տարեկան ավելի քան 30 հազար մարդու կյանք է խլում: Զինված բռնության հետևանքով զոհերի թիվը շատ ավելին է, քան Ալ-Ղաիդայի և ԻԼԻՊ-ի նման խմբավորումների կողմից իրականացվող ահաբեկչական հարձակումների  զոհերի թիվը։