Մեկնաբանություն - Լրագրողների սպանությունը Սիոնիստական ռեժիմի մոտեցումն է հանցագործությունները կոծկելու համար
Չորեքշաբթի առավոտյան իսրայելցի զինվորականները սպանել են «Ալ-Ջազիրա»-ի 51-ամյա լրագրող Շիրին Աբու Աղելային Ջենին ճամբարի միջադեպի մասին լուրերի լուսաբանման ժամանակ և վիրավորել պաղեստինյան «Ալ-Ղոդս» թերթի թղթակից Ալի ալ-Սամուդին:
Վերջին ամիսներին պաղեստինցիների դեմ օկուպացիոն ռեժիմի հանցագործությունները տարբեր հարթություններում զգալիորեն աճել են։ Տասնյակ պաղեստինցիներ նահատակվել են, և հարյուրավոր ուրիշներ վիրավորվել են։
Սիոնիստական ռեժիմը շարունակում է իր օկուպացիոն քաղաքականությունը և ի պատասխան Ալ-Աղսա մզկիթում նրանց ներկայության, պաղեստինցիներին զրկել է իրենց կրոնական իրավունքներից և համատարած բռնություններ է գործադրել։
Թեև արևմտյան և արաբական լրատվամիջոցների մեծ մասը լռել են օկուպանտ ռեժիմի հանցագործությունների նկատմամբ, ռեժիմը չի հանդուրժում իր հանցագործությունների նույնիսկ նվազագույն լուսաբանումը։ Շիրին Աբու Աղլան «Ալ-Ջազիրա»-ի ամենահին և ամենահայտնի լրագրողներից էր, որը հայտնի էր տարածաշրջանի քաղաքական միջավայրում: Այս կին լրագրողին սպանել են իսրայելցի զինվորականները՝ աշխատանքի ժամանակ։ Այս պայմաններում դա ավելի ակնառու է դարձնում Սիոնիստական ռեժիմի ոճրագործությունը, և այդ հանցագործությունը կարող է քննվել «կանխամտածված սպանության» շրջանակում։
Սա առաջին դեպքը չէ, երբ Ղոդսն օկուպացրած ռեժիմը նման հանցագործություն է կատարում։ Նախկինում նույնպես նման հանցագործություններ կատարվել են։ Նման հանցագործություններով, ռեժիմը նպատակ ունի կանխել գրավյալ տարածքներում անմարդկային գործողությունների լուսաբանումը։ Իրականում Սիոնիստական ռեժիմը սպանում է լրագրողներին, որպեսզի կանխի օկուպացված տարածքների ու Պաղեստինի մասին փաստերի հրապարակումը:
«Ալ-Ջազիրա» ցանցը հայտարարել է որ այս սարսափելի հանցագործությունը միջազգային իրավունքի և կանոների խախտում է և նպատակ ունի թույլ չտալ լրատվամիջոցներին կատարել իրենց առաքելությունը:
Սիոնիստական ռեժիմի կողմից նման հանցագործությունների իրականացման պատճառը միջազգային հանրության լռությունն է նաև պաղեստինցիների դեմ այս ռեժիմի կողմից իրականացված նողկալի հանցագործությունների նկատմամբ:
Գերտերությունները, հատկապես ԱՄՆ-ն, մեղսակից են Սիոնիստական ռեժիմի այս ոճրագործությանը, քանի որ նրանք երկակի մոտեցում ունեն մարդու իրավունքների խախտումների նկատմամբ և աչք են փակում իրենց դաշնակիցների, հատկապես Սիոնիստական ռեժիմի հանցագործությունների վրա: Այս քաղաքականությունը նպաստում է պաղեստինցիների և լրագրողների նկատմամբ իրականացվող հանցագործությունների աճին:
Արձագանքելով Սիոնիստական ռեժիմի կողմից «Ալ-Ջազիրա»-ի թղթակցի սպանությանը Կատարի փոխարտգործնախարար Լոլա Խաթերն ասել է.«Իսրայելին ցուցաբերվող անվերապահ աջակցությունը պետք է դադարեցվի»: